Nihieryjskija piraty vyzvalili biełarusa?
Kiraŭnik MZS Estonii Urmas Paet abjaviŭ pra vyzvaleńnie marakoŭ karabla Bourbon Liberty 249, zachoplenaha 15 kastryčnika ŭ nihieryjskim Port-Charkorcie.
Na voli apynulisia šeść rasijskich marakoŭ i adzin estonski. Padrabiaznaści vyzvaleńnia nie paviedamlajucca, viadoma tolki, što vialisia pieramovy.
Niama i zhadki pra biełarusa Siarhieja Kurhanoviča.Vierahodna, jon, jak i padazravaŭ MZS Biełarusi, maje rasijskaje hramadzianstva. Kurhanovič pracavaŭ na karabli miechanikam.