Siońnia ŭ katolikaŭ Dzień Usich Śviatych
1 listapada Katalicki Kaścioł adznačaje ŭračystaść Usich Śviatych.
Nastupny dzień, 2 listapada, pryśviečany ŭspaminu ŭsich pamierłych viernikaŭ. Zhodna z tradycyjaj, u hety dzień pryniata naviedvać mohiłki i asablivym čynam malicca za pamierłych.
Na praciahu aktavy Uspaminu ŭsich pamierłych viernikaŭ, heta značyć z 1 pa 8 listapada, Kaścioł budzie asablivym čynam malicca za pamierłych. U hety čas Kaścioł daje nam mahčymaść atrymać poŭny adpust — poŭnaje adpuščeńnie kary za hrachi, — jaki možna achviaravać za dušy pamierłych. Dla atrymańnia adpustu nieabchodna być u stanie aśviačalnaj łaski (h. zn. prystupić da sakramentu pakajańnia i pajadnańnia — spoviedzi), pryniać śviatuju Kamuniju, pamalicca ŭ intencyjach Śviatoha Ajca i naviedać mohiłki. Bolš padrabiaznuju infarmacyju pra adpusty možna atrymać u śviataroŭ abo znajści ŭ malitoŭniku «Ojča naš» (
Usie kataliki pavinny byli pakłapacicca pra toje, kab pierad śviatami prybrać mahiły svaich rodnych i blizkich, a taksama zaniadbanyja mahiły pablizu. Zhodna z chryścijanskaj tradycyjaj niedapuščalna prynosić i spažyvać na mohiłkach ježu i śpirtnyja napoi, a taksama kłaści ich na mahiły. Hodnym uspaminam pra pamierłych źjaŭlajecca zapalenaja na mahile śviečka (abo źnič) i kvietki, ale pierš za ŭsio — malitva za supakoj dušy.