U Hrodnie 2 listapada startujuć Dni śviatoha Hubierta

U Hrodnie 2–5 listapada adbuducca štohadovyja Dni Hubierta, patrona horada. Dni horada, adnoŭlenyja miascovaj hramadskaściu, adznačajucca ŭ piaty raz zapar. Heta svojeasablivaje padsumavańnie zroblenaha za biahučy hod haradzienskimi tvorcami i navukoŭcami.

Da Dzion Hubierta haradzienskimi historykami vydadzieny ilustravany numar časopisu «Horad Śviatoha Hubierta», a taksama padrychtavany «Haradzienski kalandar 2013», z vyjavami prac haradzienskich mastakoŭ i admysłovym padboram dat, źviazanych z historyjaj Harodni.

Asnoŭnyja mierypryjemstvy Dzion Hubierta ŭ Harodni 2012 (uvachod na ŭsie mierapryjemstvy volny):

2 listapada (piatnica):

-- Mastackaja vystava, pryśviečanaja Dniu Śviatoha Hubierta. Art-halereja «Kryha». Viernisaž, a 17.00. Vystavu možna naviedać da 17 listapada.

— Prezientacyja vynikaŭ pleniera maładych haradzienskich mastakoŭ. «Kaljannaja», vuł. K. Marksa, 10, pačatak prezientacyi a 19.00

***

3 listapada:

— Mižnarodnaja navukovaja kanfierencyja «Haradzienski palimpsiest. Ludzi daŭniaj Harodni». Udzieł voźmuć blizu 50 historykaŭ i krajaznaŭcaŭ z Hrodna, inšych haradoŭ Biełarusi i zamiežža. Adkryćcio kanfierencyi — 3 listapada a 9.00 pa adrasie: Budzionnaha 48a (kirujciesia pakazalnikami).

— Uručeńnie 1-j Uznaharody imia Juzafa Jadkoŭskaha — 3 listapada, 17.30

— «Ptuški nad horadam» — Prezientacyja vynikaŭ pracy haradzienskich arnitołahaŭ. Adbudziecca premjerny pakaz dakumientalnaha filma «Sokał nad horadam». Pačatak 15.00, Budzionnaha 48a-38 (kirujciesia pakazalnikami).

— Tvorčaja sustreča z Palinaj Respublikaj i Źmicieram Vajciuškievičam — 3 listapada, 18.00, Budzionnaha 48a (zała va ŭnutranym dvoryku).

***

4 listapada:

— Praciah mižnarodnaj navukovaj kanfierencyi «Haradzienski palimpsiest. Ludzi daŭniaj Harodni». Pasiedžańni siekcyi «Harodnia ŭ XIX-XX stst».

***

5 listapada:

— Prezientacyja aŭdyjoknihi ŭspaminaŭ Łarysy Hienijuš «Ptuški biez hniozdaŭ». Pačatak 18.30 pa adrasie: Budzionnaha 48a-38.

Arhanizatarami sioletnich Dzion Hubierta ŭ Harodni vystupili: miascovaje adździaleńnie «Tavarystva Biełaruskaj Škoły», knižnaja sieryja «Haradzienskaja Biblijateka», Biełaruskaje Histaryčnaje Tavarystva, sajt Birdwatch.by.

Apieratyŭnaja infarmacyja pra 5-ja Dni Hubierta ŭ Harodni: tut

Kamientary da artykuła