Bojfrend Viktoryi Azaranki zvaliŭsia z 3-ha paviercha ŭ Paryžy

2.11.2012 / 0:3

Zakliniła zamok u vannym pakoi, i jon sprabavaŭ pieraleźci praz akno.

U čaćvier a 7-j ranicy ŭkrainski tenisist Siarhiej Bubka, syn słavutaha skakuna z šastom i prezidenta NAK Ukrainy Siarhieja Bubki, zvaliŭsia z 3-ha pavierchu budynka ŭ prestyžnaj 16-j akruzie francuzskaj stalicy.

Sa šmatlikimi pierałomami jon trapiŭ u balnicu imia Žorža Pampidu.

Pavodle papiaredniaj infarmacyi, viarnuŭšysia paśla viečarynki ŭ kvateru adnaho z svaich siabroŭ, Bubka apynuŭsia zamknionym u vannym pakoi, adkul sprabavaŭ praz akno trapić u inšaje pamiaškańnie.

Spačatku lekary byli vielmi aściarožnyja ŭ svaich prahnozach, adnak za apošnija hadziny stan tenisista trochi palepšaŭ.

Na dadzieny momant 25-hadovy Siarhiej Bubka-małodšy — 186-y numar rejtynhu ATP World Tour.

Viadoma, što jaho źviazvajuć blizkija adnosiny ź pieršaj rakietkaj śvietu-2012, biełaruskaj Viktoryjaj Azarankaj.

Viktoryja, darečy, ciapier znachodzicca ŭ Łas-Viehasie, a žyvie jana najbolš u Monte-Karła.

Čytajcie taksama:

Kamientary da artykuła