U staličnaj milicyi rakiroŭka načalnikaŭ

2.11.2012 / 15:16

Rašeńnie Aleha Hajdukieviča pamianiać pasadu načalnika Frunzienskaha RUUS Minska na partbilet člena Libieralna-demakratyčnaj partyi aŭtamatyčna adbiłasia na kadravaj situacyi ŭ milicyi.

Jak stała viadoma internet-haziecie Naviny.by, zaraz Frunzienskaje RUUS uznačalvaje pałkoŭnik milicyi Aleh Koval, jaki raniej kamandavaŭ Pieršamajskim RUUS. U svaju čarhu načalnikam Pieršamajskaha RUUS pryznačany Andrej Paraščuk, jaki ŭ niadaŭnim minułym kiravaŭ Partyzanskim RUUS stalicy. Miesca načalnika Partyzanskaha RUUS pakul vakantnaje.

Usie hetyja pryznačeńni charakterna dla hetaha ŭzroŭniu milicejskaha načalstva adbylisia cicha, biez pryciahnieńnia ŭvahi hramadskaści.

«Zvyčajnyja kadravyja rašeńni, jakija adbyvajucca štodnia», — tak adkazali ŭ MUS karespandentu, kali jon sprabavaŭ vyśvietlić daty zahadaŭ pryznačeńnia na pasadu novych načalnikaŭ.

Načalniki RUUS pa pradstaŭleńni kiraŭnictva HUUS Minharvykankama pryznačajucca na pasadu zahadam kiraŭnika MUS.

Kali kazać pra bolš maštabny ŭzrovień milicejskaha kiraŭnictva, to zruchi čakajucca i ŭ hałaŭnym ofisie MUS.

U kiraŭnika viedamstva pavinien źjavicca novy namieśnik — kamandujučy ŭnutranymi vojskami. Aficyjna hetuju pasadu praciahvaje zajmać ciozka Aleha Hajdukieviča — hienierał-major Valeryj Hajdukievič. Hienierała pryznačyli «deputatam». Adnak pa niezrazumiełych pryčynach pakul niama ŭkazu Łukašenki ab vyzvaleńni kamandujučaha ad zajmajemaj pasady «u suviazi ź pierachodam na inšuju pracu».

Čytajcie taksama:

Kamientary da artykuła