Pentahon začyniaje sałdatam dostup da YouTube.
Amerykanskija sałdaty pa ŭsim śviecie nia zmohuć ciapier karystacca papularnymi internet‑sajtami kštałtu YouTube albo MySpace — prynamsi, na vajskovych kamputarach.
Z amerykanskich medyjaŭ viadoma, što Pentahon blakavaŭ dostup da 11 sajtaŭ, jakija časta słužać sałdatam dla abmienu pryvatnymi paviedamleńniami, fotazdymkami, videa i muzyčnymi zapisami. Šmat chto z sałdataŭ kantaktavaŭ takim čynam ź siamjoj i siabrami.
Pentahon tłumačyć zabaronu tym, što unutranaja internet‑sietka vajskoŭcaŭ całkam pierahružanaja častym naviedvańniem hetych staronak. Takim čynam moža być paškodžany vajenny patok infarmacyi, važny pry bajavych dziejańniach. Da taho ž isnuje niebiaśpieka, što sałdaty padčas pryvatnaha karystańnia mohuć sami raspaŭsiudžvać nadzvyčaj aktualnuju infarmacyju — naprykład, u vypadku, kali jany vystaŭlajuć u internet fotazdymki z scenami bojkaŭ.