Persona non-hrata (List Zianona Paźniaka)

Persona non-hrata

List Zianona Paźniaka

12 śniežnia Zianon Paźniak nakiravaŭ list ministru zamiežnych spravaŭ Niamieččyny, staršyniu ABSE dy Parlamenckaj Asamblei ABSE z patrabavańniem adklikać ź Biełarusi Hansa-Hieorha Vika. Zianon Paźniak nie admaŭlaje prysutnaści ŭ krainie misii ABSE, ličačy jaje karysnaj, i razam z tym śćviardžaje, što sp.Vik pravodzić u Biełarusi nie eŭrapiejskuju, a čysta niamieckuju palityku i što jahonaja dziejnaść nijak nie stasujecca z nacyjanalnymi intaresami Biełarusi. Zianon Paźniak padkreśliŭ, što ab prapanovie Hansu-Hieorhu Viku pakinuć Biełaruś asabista painfarmavanyja sam niamiecki dyplamat i ambasadar Niamieččyny Horst Vinkielman. Sp.Paźniak śćviardžaje, što Vik – “persona non-hrata ŭva ŭsim apazycyjnym Nacyjanalna-Vyzvolnym Ruchu” – patajemna kaardynuje svaju dziejnaść ź biełaruskimi ŭładami. Apošnija abvinavačvajuć Vika ŭ nieprychilnaj dziejnaści tolki dziela taho, kab vyratavać stanovišča, stvaryć jamu alibi, — piša Z.Paźniak. “Zrazumieła, što sp.Viku lepš być vydalenym pa patrabavańni Biełaruskaj Vyzvolnaj apazycyi”, — piša Zianon Paźniak. Razam z tym jon vykazvaje nadzieju, što režym Łukašenki miniecca, a dačynieńni Biełarusi ź Niamieččynaj zastanucca dobrymi.

A.K.