Vasil Aŭramienka. Lohkija i nyrki

 Biełaruś praz 100 hadoŭ

Lohkija i nyrki

Čałaviectva padobnaje da raka, bo ŭ histaryčnym časie jano ruchajecca zadam napierad, to bok uhladacca moža tolki ŭ minułaje, a budučyniu adčuvaje chiba što azadkam.

Pradkazańni i prahnozy - tolki prajekcyja sučasnych žadańniaŭ, virtualnaja sproba «začapicca» za dalokuju budučyniu i «zabić» tam sabie miesca. Nichto nia moh u kancy XIX st. pradbačyć krach kamunizmu, vybuch Čarnobylu abo roskvit Internetu. Hetak i siońniašnija našyja fantazii vielmi dalokija ad realijaŭ CHCHII st. Adnak hulnia ŭ pradkazańni - adna z samych zajmalnych čałaviečych zabavak. Hrešny i ja - spakusiŭsia na prynadu.

Takim čynam, pačatak CHCHII st. Ludzi na Biełarusi jašče jość, i nia tolki za Homlaj. Praŭda, abaryhienaŭ niašmat, bolš afrabiełarusaŭ i kaŭkazabiełarusaŭ, što zapałanili postindustryjnyja «džunhli». Tutejšyja ž aŭtachtony znoŭ viarnulisia ŭ lasy i bałoty, jakich značna paboleła paśla realizacyi mižnarodnaj prahramy «Biełaruś - lohkija j nyrki Eŭropy». Praca ŭ ich nia duža składanaja i vielmi «biełaruskaja» - zachoŭvać chmyźniaki niečapanymi, a bałaty — nieprachodnymi. Pa prajekcie heta dobra apłočvajecca suśvietnym bankam. Novyja lasnyja biełarusy - samaja zamožnaja, kamputaryzavanaja i zdarovaja častka hramadztva, pazbaŭlenaja «myšynaj vałtuźni» j chvarobaŭ horadu. Biełaruskaja mova - mova litaratury, adukacyi i aficyjnych znosinaŭ. U pobycie bolš raspaŭsiudžanaja biełaruska-anhielskaja trasianka ź vialikim damieškam rasiejskaj «fieni». U škole, akramia infarmatyki i tradycyjnaj biełaruskaj kultury, vyvučajuć historyju reklamy i psychalohii dy asnovy navukovaha ekalahizmu. Paśla parazy ŭ apošniaj trochtydniovaj «vajnie» za kantrol nad resursami kampanii «Eŭramedyja» ŭ škołach znoŭ uviedzieny kurs maładoha chakiera. Adnačasova pryzyŭny viek u biełaruskuju Virt-Armiju źniziŭsia da 14 hadoŭ, a termin słužby pavialičyŭsia da 2000 hadzinaŭ eternaha času. Hałoŭny ekspartny pradukt krainy - najnoŭšyja ekalahičnyja technalohii i vada. Asablivym popytam na suśvietnym rynku karystajucca «Brahinskaja lačebnaja» i «Čyrvonaja Naroŭla» — za ŭnikalny nabor stymulujučych pryrodnych mikraelementaŭ.

Sa źniknieńniem nieabchodnaści fizyčnych pieramiaščeńniaŭ źniziŭsia rejtynh transpartnych karparacyjaŭ, jakija tradycyjna apiekavalisia Biełarusiaj u XXI st. Aerakaśmičny turystyčny bum kanca XXI st. byŭ prypynieny maratoryjem Suśvietnaj Ekalahičnaj Rady ź biełaruskaj inicyjatyvy, bo rezkaje paharšeńnie stanu atmasfery mahło vyklikać dehradacyju lasoŭ i novuju ekalahičnuju katastrofu.

Biełarusy zastajucca zaciatymi kanservatarami, jakija trymajucca bližej da bałatoŭ, lasoŭ i asnovaŭ narodnaj demakratyi. A ŭ volny čas, ihnarujučy navamodnyja zabaŭki, addajuć pieravahu starym dobrym kamputarnym hulniam i rytualnamu vyroščvańniu bulby na zapavietnych «Šaści Sotkach».

Vasil Aŭramienka