Litvina
Pakul ajčynnyja litaratary ŭznaharodžvajuć historykaŭ, mižnarodnaja supolnaść skiravała svoj pohlad na našych žurnalistaŭ.
Tak, premiju “Załatoje piaro Svabody”, zasnavanuju Suśvietnaj asacyjacyjaj hazetaŭ (SAH), atrymaje Biełaruskaja asacyjacyja žurnalistaŭ (BAŽ). Rašeńnie pra heta pryniała 26 listapada Rada SAH — arhanizacyi, jakaja jadnaje 18 tys. hazetaŭ z 100 krainaŭ.
U zajavie SAH zhadvajecca, što heta druhi vypadak, kali ŭznaharoda dajecca nie asobnamu žurnalistu, a cełaj arhanizacyi. U 1969 h. “Piaro” atrymała čechasłavackaja presa. Premija dajecca raz na hod. Sioleta jaje atrymaŭ Džefry Njarota z Zymbabve.Cyrymonija ŭhanaravańnia BAŽ adbudziecca ŭ červieni 2003 h. u Dublinie — padčas Suśvietnaha kanhresu hazetaŭ i Suśvietnaha forumu redaktaraŭ.
Pačesnuju navinu Žanna Litvina, prezydentka BAŽu, streła ŭ Berlinie. U składzie delehacyi biełaruskaj apazycyi (akramia jaje, A.Bialacki, V.Viačorka, A.Dabravolski, A. Labiedźka) jana znachodzicca tam pa zaprašeńni niamieckaha boku.
A.Š.