29 červienia — ušanavańnie achviar stalinizmu
U piatnicu ŭ Miensku adbudziecca ŭšanavańnie rasstralanych 29 kastryčnika 1937 hodu biaźvinnych biełarusaŭ. A 15:00 — kala pamiatnaha kryža ŭ parku Čaluskincaŭ, a ŭ 17:00 — u Kurapatach.
29 červienia adrazu ŭ dźviuch kropkach Miensku adbudziecca ŭšanavańnie rasstralanych 29 kastryčnika 1937 hodu biaźvinnych biełarusaŭ. U 15:00 akcyja adbudziecca kala pamiatnaha kryža ŭ Parku Čaluskincaŭ, a ŭ 17:00 — u Kurapatach.
«My prasili ŭłady zrabić 29 kastryčnika Dniom pamiaci źniščanych stalinskim režymam, — kaža Ŭładzimier Ramanoŭski, staršynia Arhkamitetu ŭšanavańnia achviaraŭ stalinizmu. — U hety dzień u 1937 hodzie było rasstralana 69 pradstaŭnikoŭ intelihiencyi — akademiki, navukoŭcy, žurnalisty. Zaraz navat nieviadoma, dzie pachavanyja ich cieły».
Pakul ułady nie źbirajucca iści nasustrač Arhkamitetu.
«Kožny miesiac 29 čysła my ŭšanoŭvajem pamiatnyja miescy ŭ Parku Čaluskincaŭ, u Kurapatach i ŭ Łošycy, — kaža Ŭładzimier Ramanoŭski. — Spadziajusia, što kali‑niebudź hetaja data stanie znakavaju dla ŭsich».
Partyja BNF taksama dałučyłasia da praviadzieńnia žałobnych mierapryjemstvaŭ.
«Dla Frontu jość absalutna važnym ušanavańnie achviaraŭ stalinskich i ŭsich inšych represijaŭ 20‑ha stahodździa, — kaža kiraŭnik kulturnickaj kamisii Partyi BNF Franak Viačorka. — Biez pamiaci nia budzie budučyni. Uzhadvajučy achviaraŭ u Kurapatach, u Ihumienie, u Łošycy i ŭ sotniach inšych nieviadomych miescach, my papiaredžvajem padobny hienacyd u budučyni».