Realnaja cana biełaruskamu futbołu
U niadzielu na mienskim stadyjonie «Dynama» za tur da finišu moža vyrašycca los załatych medaloŭ nacyjanalnaha pieršynstva
Na matč 28-ha turu, što prajšoŭ 25 kastryčnika, mienskaje «Dynama» adpraviłasia ŭ Salihorsk da tamtejšaha «Šachciora». Harniaki da hetaha matču 60 hulniaŭ zapar (sa žniŭnia 2000 hodu!) u čempijanacie nikomu nie sastupali na svaim poli. Ale ŭ paniadziełak tradycyja była złamanaja. «Dynama» pieramahło ź likam 1:0.
BATE ŭ hety dzień biez asablivych prablem pieramahło ŭ Barysavie mazyrskuju «Słaviju» — 4:0.
Ciapier stanovišča za dva tury da finišu takoje: «Dynama» maje 69 bałaŭ, BATE — 67, «Šachcior» — 61.
U nastupnym tury, jaki projdzie 31 kastryčnika, moža vyrašycca los załatych medaloŭ čempijanatu. Na hałoŭnaj arenie Biełarusi sustrenucca ŭładalniki ŭznaharod minułaha pieršynstva — «bronzavaje» mienskaje «Dynama» i «siarebranaje» barysaŭskaje BATE. «Dynama» maje adpomścić za minułahodniuju aplavuchu ŭ apošnim tury, atrymanuju ŭ stalicy ad Barysava, — 0:4.
Miensku patrebna tolki pieramoha, bo ŭ apošnim tury, 7 listapada, daviadziecca hulać u haściach ź viciebskim «Lakamatyvam», jaki adčajna zmahajecca za prapisku ŭ vyšejšaj lizie. A BATE ŭ apošnim tury, chutčej za ŭsio, pieramoža, bo hulaje ź mienskim «Tarpeda-SKA», jakoje ŭžo straciła ŭsialakuju matyvacyju.
Voś takaja intryha ŭ našym futbolnym pieršynstvie. Bo realnaja cana biełaruskamu futbołu — u sustrečach na eŭraarenie: matčach Lihi čempijonaŭ i Kubku UEFA.
Sioleta našy kluby družna pavylatali jašče ŭ pieršym raŭndzie kvalifikacyi .
Poŭnaściu hety artykuł možna pračytać u papiarovaj i pdf-versii "Našaj Nivy"
Aleh Rajaviec