U numary «NN» za 13 traŭnia A.Sidarevič u artykule «Apošni šumny jubilej» uskosna zakranuŭ cikavaje pytańnie, zhadaŭšy pra isnavańnie dziaciej vajny: «Zastanucca tyja, pierad kim dziaržava vinavataja najbolš».
I adrazu paŭstaje pytańnie — a chto ŭ RB ličycca dziciem vajny? Ci isnujuć jany ŭvohule? A kali isnujuć, to jak ich zaličajuć da katehoryi dziaciej vajny?
Na maju dumku, mabyć, tych, chto naradziŭsia paśla 22 červienia 1941 h. A ź jakoha momantu nie ličyć? Z momantu vyzvaleńnia z-pad akupacyi kankretnaj miascovaści ci z vyzvaleńnia Miensku, a moža, Bieraścia? A kali takaja katehoryja ludziej vyznačana dziaržavaj, to što hetyja ludzi z taho majuć? Adnym słovam, pytańniaŭ proćma.
Dobra było b, kab hetuju temu vaš tydniovik zakranuŭ jašče raz, ale bolš pašyrana.
