Dziady
Kali syduć maje dziady,
ź ziamli adydzie pakaleńnie,
ŭ jakoha vyras na kaleniach,
pakinie na kryžach kamiennych
svaje imiony i hady.
Kali syduć maje dziady,
u toje ž samaje imhnieńnie
uklučycca adlik zabvieńnia —
ci budzie mnie stavać ciarpieńnia
ŭ adviedki jeździć na kłady?
Kali syduć maje dziady,
adčuŭšy sens u słovie «strata»,
zaŭvažu, jak stareje tata,
jakoj pustoj zdajecca chata
biaz hukaŭ ichniaje chady.
Kali syduć maje dziady,
mianie taksama stanie mieniej,
padoŭžacca ad śviečak cieni
i padmacujucca sumnieńni,
što j ja užo nie małady.
0
0
0
0
0
0
