Adnoŭlenaja vokładka — praca restaŭratara Uładzimira Kisłaha.
Reštki knihazboru bazylanaŭ.
Mietryčnaja kniha naradžeńniaŭ i šlubaŭ,
Poźnija vydańni, siarod ich — emihrancki malitoŭnik a. Lva Haroški, Rym, 1946 h.
Pryvilej z aŭtohrafam karala Uładzisłava IV Vazy i piačatkaj z Pahoniaj, 1647 h.
U biblijatecy franciškanskaha klaštara ŭ Hrodnie ŭ ChVIII st. naličvałasia 500 tamoŭ, na pačatku XX st. — niekalki tysiač. Paśla vajny ślady zboru zhubilisia.
Manachi častku knih zdoleli schavać. Adzin z takich schronaŭ niadaŭna i adšukaŭ ksiondz Juzaf Makarčyk.Kalekcyja staradrukaŭ
Siarod redkich vydańniaŭ: skryptoryi (rukapisnyja knihi), zborniki dakumantaŭ, Biblii, malitoŭniki, kazani, pracy pa teałohii, a taksama śvieckich navukach.
Ci nie samy kaštoŭny ekspanat — zbornik dakumientaŭ i pryvilejaŭ ChVI- ChVII st., jaki naležaŭ šlachieckamu rodu Kopciaŭ.
«Siarod dakumientaŭ
traplajucca pryvilei, ułasnaručna padpisanyja karalom Rečy Paspalitaj Uładzisłavam Vazam, — raspaviadaje supracoŭnica biblijateki. — Bolš rannija dakumienty ChVI st. napisanyja starabiełaruskaj, bolš poźnija, ChVII- ChVIII st., — užo
Mova bolšaści knih — łacina, tolki potym idzie polskaja.
Miescy vydruku samyja roznyja: ad Vieniecyi da Niaśvižskich drukarniaŭ Radziviłaŭ.
«Dla svajho vieku knihi vielmi dobra zachavanyja. Skuranyja pieraploty nie paškodžanyja, tytulnyja listy na miescy. Vokładku adnaho z falijantaŭ, dzie prysutničali mietaličnyja nakładki, adnaŭlaŭ naš viadomy hrodzienski restaŭratar Vałodzia Kisły», — kaža biblijatekarka.
Asobnaj paličkaj vystaŭlenyja redkija tamy z knihazboru ŭnijackaha ordena ajcoŭ bazyljanaŭ.Paśla likvidacyi Unii ŭ 1839 usie knihi bazyljanaŭ zvozilisia ŭ Žyrovicki manastyr, adkul najlepšyja traplali ŭ Maskvu, Pieciarburh dy Vilniu, a rešta — u vohnišča. U Biełarusi zastalisia adzinki.
Vystava pracuje apošnija dni, adnak pry žadańni paśpieć schadzić možna.
Aficyjnaje zakryćcio prypadaje na 1 śniežnia, tym nie mienš supracoŭniki zapeŭnivajuć, što rarytety jašče krychu pastajać.
Vialikaj zahadkaj zastajecca, jak u knihazbor trapiŭ malitoŭnik «Božym šlacham» ajca Lva Haroški, vydadzieny ŭ 1946 hodzie. Značyć, knihi pranikali ŭ Saviecki Sajuz navat u tyja biaźmiežna zmročnyja časy.