ES choča asabista vyznačać paramietry hramadskaha i ekanamičnaha raźvićcia Biełarusi.Pra heta ministr zamiežnych spraŭ Biełarusi Uładzimir Makiej zajaviŭ u intervju rasijskaj haziecie «Krasnaja Źviezda», tekst jakoha raźmieščany na aficyjnym sajcie MZS Biełarusi.
«Jeŭrasajuz choča asabista vyznačać paramietry hramadskaha i ekanamičnaha raźvićcia našaj krainy. Naturalna, nie niesučy nijakaj adkaznaści za mahčymyja nastupstvy», — adznačyŭ ministr. Jon taksama padkreśliŭ, što biełaruski bok nie prymaje takoha ŭmiašańnia va ŭnutranyja spravy Biełarusi, adstojvaje suvierennaje prava samastojna vyznačać svoj šlach raźvićcia.
«My pierakananyja, što kluč da vyrašeńnia situacyi znachodzicca ŭ Jeŭrasajuza. U adroźnieńnie ad ES my nie ŭmiešvajemsia va ŭnutranyja spravy svaich susiedziaŭ.
Mienavita Jeŭrasajuz niasie adkaznaść za stratu davieru ŭ dyjałohu. Jamu i naležyć likvidavać pryčynienuju škodu», — miarkuje Uładzimir Makiej.
Akramia taho, jon adznačyŭ, što Biełaruś hatovaja da dyjałohu: «Sa svajho boku my zaŭsiody adkažam uzajemnaściu, kali Brusel nie na słovach, a na spravie budzie hatovy da raŭnapraŭnych i pavažlivych adnosin z nami. Ad hetaha b sapraŭdy vyjhrali intaresy ŭsioj Jeŭropy. Adnak pakul razumieńnia hetaj nieabchodnaści ŭ ES my nie bačym».
Ministr taksama nahadaŭ, što ŭ 2011 hodzie ES pašyryŭ sankcyi ŭ dačynieńni da šerahu biełaruskich słužbovych asob i kampanij (usiaho — 243 hramadzianiny i 32 kampanii). «Niahledziačy na heta, ekanamičnyja adnosiny pamiž Biełaruśsiu i ES na ŭzroŭni kampanij raźvivajucca davoli dynamična», — skazaŭ kiraŭnik MZS. Jon paviedamiŭ, što ŭ
«Naša
