6 śniežnia kataliki abodvuch abradaŭ ušanoŭvajuć pamiać śviatoha Mikałaja, biskupa Mirlikijskaha. Heta adzin z najbolš šanavanych chryścijanskich śviatych, ikona jakoha jość praktyčna ŭ kožnaj carkvie i ŭ mnohich siemjach.
Pra žyćcio śviatoha Mikałaja viadoma niašmat. Znajem, što śviaty Mikałaj doŭhija hady byŭ biskupam u Mirach, pravincyja Likija, u Małoj Azii. Braŭ udzieł u Pieršym Suśvietnym Sabory (325 h.) u Nikiei. Pamior kala 345 hoda. Usio svajo žyćcio pryśviaciŭ spravie miłasernaści dla dušy i cieła. Tajamnica jahonaha vialikaha kultu siarod chryścijan u tym, što jon dla ŭsich staŭ symbalem achviarnaj lubvi da bližniaha i spačuvalnaj miłasernaści. Paśla śmierci Boh prasłaviŭ jaho vyklučnym daram rableńnia cudaŭ, i tamu heta śviatoha vieličajuć Cudatvorcam.
Ź ICH st. śviata śviatoha Mikałaja jość užo va ŭsich hreckich miesiacasłovach. Razam z chryścijanskaj vieraj kult śviatoha Mikałaja pryjšoŭ i na biełaruskija ziemli.Kult śviatoha Mikałaja pačynaje pašyracca z chryścijanskaha Uschodu z taho času, jak impieratar Justynijan I u siaredzinie VI st. pabudavaŭ u jahony honar carkvu ŭ Kanstancinopali.
Siońnia ŭ katalikoŭ bizantyjskaha abradu śviaty Mikałaj asabliva paminajecca ŭ malitvach nie tolki 6 śniežnia i 9 traŭnia (śviata pieraniasieńnia jahonych moščaŭ ŭ italjanski horad Bary), jamu pryśviečany taksama kožny čaćvier va ŭschodnim bohasłužbovym cykle.
