Arendnaje žyllo ŭ Minsku padaražeła na 30%, adnapakajoŭku ciažka znajści tańniej za 300$ 33

Photo.bymedia.net.

«Zdymu adnapakajovuju kvateru za $300», — abjavy z takim źmiestam usio čaściej sustrakajucca na słupach i padjezdach Minska. Jašče niekalki miesiacaŭ tamu za hetyja hrošy možna było naniać prystojnuju dvuchpakaŭjoku biez doŭhich pošukaŭ. Adnak ciapier ceny rezka vyraśli.

Pavyšany popyt na žyllo i źviazany ź im rost cenaŭ štohod adznačajecca ŭ žniŭni, kali studenty šukajuć kvatery i pakoi. «Tak było šmat hadoŭ zapar. Ale ŭ hetym hodzie arendnyja staŭki zastalisia na ŭzroŭni pieryjadu pavyšanaha popytu.

Pryčym bolš za ŭsio padaraželi samyja chadavyja kvatery ekanom-kłasa», — raskazvaje namieśnik dyrektara pa arendzie žylla kampanii «Tvaja stalica» Valancina Siančychina.

Što stała pryčynaj imklivaha padaražeńnia? Na rynku nieruchomaści rezka źmienšyłasia prapanova.

Pa dadzienych partała realt.by, u lipieni ŭ Minsku šukali arandataraŭ kala 1100 adnapakajovak i kala 1200 dvuchpakajovak, a ciapier i adnych, i druhich zastałosia trochi bolš čym pa 500 kvater.

Adnoj z pryčyn tamu stali pahrozy Alaksandra Łukašenki.

U pačatku vieraśnia toj zahadaŭ pravieści pravierku tych, chto pabudavaŭ kvatery ź dziaržpadtrymkaj, naprykład, šmatdzietnych i vajskoŭcaŭ. U ludziej, chto zdaje takuju «lhotnuju» kvateru, Łukašenka zahadaŭ adbirać žytło.

Tak ci inakš, ale na dadzieny momant u samym «ilhotnym» rajonie Minska, Kamiennaj Horcy, možna znajści ŭsiaho 20 abjavaŭ ab zdačy kvateraŭ. Jašče paru miesiacaŭ tam zdavalisia sotni kvateraŭ.

Zrazumieŭšy, što žyllo stała deficytnym, astatnija haspadary padniali ceny na arendu svaich kvateraŭ.

I ŭ minčukoŭ znajšlisia hrošy, kab zapłacić za heta. Kali ŭ śniežni 2011 hoda siaredni zarobak u stalicy składaŭ $460, to ciapier zarpłata dajšła da $640.

Žyllo padaražeła ŭ padobnaj praporcyi.

JAM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH