Centr pravavoj transfarmacyi (Lawtrend) 17 śniežnia prezientavaŭ dźvie knihi, pryśviečanyja padziejam 19 śniežnia 2010 hoda.
Jak paviedamiła kiraŭnik Lawtrend Alena Tankačova, 19 śniežnia 2010 hoda manitorynhavaja hrupa centra pačała dakumientavańnie parušeńniaŭ pravoŭ čałavieka padčas mirnaj akcyi pratestu i padziej, što mieli miesca potym. Vynikam pracy stała infarmacyjnaja baza pa kryminalnych i administracyjnych spravach: 350 hadzin aŭdyjozapisaŭ čatyrnaccaci pracesaŭ nad «dziekabrystami», kala tysiačy staronak stenahram i ankiet zatrymanych hramadzian. Mienavita hetyja materyjały stali asnovaj dvuch daśledavańniaŭ.
Pieršaje daśledavańnie pad nazvaj «Administracyjnyja zatrymańni i sudovyja pracesy. Analiz pravaprymianialnaj praktyki» ŭjaŭlaje saboj zbornik analityčnych materyjałaŭ, jakija stali vynikam pracy pa zbory infarmacyi pra administracyjnyja zatrymańni 19 śniežnia 2010 hoda, abahulnieńni sudovaj praktyki pa takich spravach i analizie mižnarodnaha prava i mižnarodnych standartaŭ.
«Asnovu hetaha vydańnia skłali ankiety administracyjna zatrymanych 19 śniežnia. Usiaho, pavodle našych źviestak, było zatrymana 780 čałaviek. Viadoma, adsačyć usie pracesy ŭ tych umovach, kali ŭ ofisy pravaabaroncaŭ taksama prychodziła milicyja, my nie mahli. Tamu my zrabili postintervju z 350 administracyjna zatrymanymi. Vyniki hetaj pracy vykarystoŭvalisia i ŭ dakładzie Misii mižnarodnaha kantrolu za situacyjaj u Biełarusi, i ŭ inšych dakładach», — zaznačyła Tankačova.
Druhaja kniha — «Paślasłoŭje…
«Heta nie materyjały z centra padziej. Heta abahulnieńnie ŭsich piśmovych materyjałaŭ spravy.Dla nas u hetym daśledavańni dva intaresy: zafiksavać materyjały kryminalnych spraŭ dla pravavoj acenki, i ŭ dalejšym — dla pravavoha pierahladu niespraviadlivych i niepravavych sudovych razboraŭ i kryminalnych pracesaŭ 2010 hoda», — skazała Tankačova.
Pavodle jaje słoŭ, važnaja i acenka akaličnaściaŭ pieraśledu kandydataŭ u prezidenty i členaŭ ich štaboŭ z punktu hledžańnia adpaviednaści hetych akaličnaściaŭ mižnarodnamu pravu. Tankačova zaznačyła, što ŭ pravaabaroncaŭ dahetul vyklikajuć pytańni sami akaličnaści Płoščy 2010 hoda. Na ich dumku, masavych biesparadkaŭ 19 śniežnia 2010 hoda ŭ Minsku nie było. Aprača taho, vialikija pytańni vyklikaje pieradača ŭ ŚMI faktyčna materyjałaŭ kryminalnaj spravy. «Heta tyčycca dziaržaŭnych srodkaŭ masavaj infarmacyi, jakija atrymali dakumienty, fotazdymki i videazapisy. I pačali składać adpaviednuju hramadskuju dumku z abvinavaŭčym uchiłam da ŭdzielnikaŭ akcyi, što ja liču niedapuščalnym», — zajaviła Tankačova.
U pačatku studzienia jany vyjduć i ŭ drukavanym varyjancie, jaki budzie razasłany pa biblijatekach. «U elektronnym varyjancie kniha bolšaja, čym u drukavanym. U drukavany varyjant my nie zmahli ŭnieści materyjały sprečak bakoŭ i jašče niekatoryja materyjały kryminalnych spraŭ», — skazała Tankačova.Pakul knihi vypuščany tolki ŭ elektronnym varyjancie.
