Abjadnanaja hramadzianskaja partyja (AHP) praviała 19 śniežnia akcyi pa infarmavańni nasielnictva, paviedamlaje BiełaPAN. Razdača infarmacyjnych materyjałaŭ prajšła kala Kamaroŭskaha rynka.
Aktyvisty AHP padali 91 zajaŭku na praviadzieńnia 19 śniežnia pikietaŭ pa ŭsioj krainie, ź ich 25 było zajaŭlena ŭ Minsku. Nivodnaja zajaŭka nie była zadavolenaja, paśla čaho AHP vyrašyła pravieści ŭ hety dzień infarmacyjnyja akcyi, jakija nie patrabujuć sankcyi ŭładaŭ.
Jak paviedamiŭ staršynia partyi Anatol Labiedźka , akcyi pravodzilisia dla taho, kab "nahadać ludziam pra padziei dvuchhadovaj daŭniny, kali dziesiatki tysiač hramadzian vyjšli na Płošču, budučy nie zhodnyja ź iłžyvymi vynikami vybaraŭ, nahadać pra jakija znachodziacca za kratami palitviaźniaŭ Dźmitryja Daškieviča, Ihara Alinieviča, Mikałaja Statkieviča i inšych, pakazać hramadzianam, što na samoj spravie adbyvajecca za tym, vonkavym, dabrabytam, ab jakim abyjakava raspaviadajuć čynoŭniki ad ułady i žurnalisty BT".
Aktyvisty AHP paśpieli razdać bolš za paŭtysiačy ulotak da taho, jak źjaviłasia milicyja. Pavodle źviestak BiełaPAN, byŭ zatrymany fatohraf Hienadź Vieracinski.
