Viera Palakova-Makiej praviała pieradkaladnuju sustreču z žonkami kiraŭnikoŭ dypmisij 3

Žonka ministra zamiežnych spraŭ Biełarusi Viera Palakova-Makiej 19 śniežnia praviała sustreču z žonkami kiraŭnikoŭ dypłamatyčnych misij i pradstaŭnictvaŭ mižnarodnych arhanizacyj z nahody Kaladaŭ i Novaha hoda.

Mierapryjemstva adbyłosia ŭ Biełaruskim dziaržaŭnym cyrku. Jak skazała na sustrečy Viera Palakova-Makiej, napiaredadni Kaladaŭ i Novaha hoda ŭsie čakajuć śviatočnych padziej i cudaŭ.

Pieradśviatočnym padarunkam dla zamiežnych dam staŭ śpiektakl na arenie cyrka, dzie dla haściej vystupali pavietranyja himnasty, kłouny. Cyrkavyja artysty blisnuli majsterstvam i ščodra byli ŭznaharodžany apładysmientami.

Zamiežnyja damy paznajomilisia taksama z historyjaj cyrka, z muziejem, u jakim pradstaŭleny histaryčnyja dakumienty, fatahrafii i afišy 19-ha stahodździa, kalekcyja lalek-kłoŭnaŭ.

U sustrečy pryniała ŭdzieł dyrektar Biełdziaržcyrka, mastacki kiraŭnik, narodnaja artystka Biełarusi Taćciana Bandarčuk, jakaja ŭznačalvaje hetuju ŭstanovu z 1996 hoda.

Jana padzialiłasia tvorčymi płanami na budučy hod.

Na sustrečy, što prajšła ŭ ciopłaj atmaśfiery, hałoŭnymi temami byli Kalady, Novy hod. Viera Palakova-Makiej pažadała ŭsim žančynam zdaroŭja, ščaścia, dabra i mira ŭ novym 2013 hodzie.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH