Dziejańnie prezidenckaha ŭkaza ab vyzvaleńni Nacyjanalnaj dziaržaŭnaj teleradyjokampanii (NDTRK) i arhanizacyj, što ŭvachodziać u jaje sistemu, ad vypłaty padatkaŭ na prybytak i na dadadzieny košt, pradoŭžana na 2013 hod.
Ukaz ab vyzvaleńni NDTRK ad padatkaŭ dziejničaje z 1 kastryčnika 2009 hoda. Novy ŭkaz ab pradaŭžeńni terminu dziejańnia papiaredniaha raźmieščany na Nacyjanalnym pravavym
Jak vynikaje z dakumienta, srodki, što vyzvalajucca ŭ vyniku pradastaŭleńnia ŭkazanych ilhot, nakiroŭvajucca na raźvićcio vytvorčaj bazy kampanii i jaje strukturnych padraździaleńniaŭ, vytvorčaść filmaŭ, nabyćcio pravoŭ na tranślacyju aŭdyjovizualnych tvoraŭ i stvareńnie ŭłasnych pieradač.
Piersanalnaja adkaznaść za metavaje vykarystańnie vyzvalenych srodkaŭ uskładziena na staršyniu NDTRK i kiraŭnikoŭ arhanizacyj, što ŭvachodziać u jaje sistemu.
Raniej Alaksandr Łukašenka zajaŭlaŭ, što biudžetnaja padtrymka biełaruskich telekanałaŭ u 2013 hodzie «značna skarocicca».
Prymajučy 27 listapada z dakładam staršyniu NDTRK Hienadzia Davydźku, jon skazaŭ: «Chaču vas papiaredzić, što my refarmujem usie struktury, jakija karystajucca srodkami ź biudžetu. Takich masa ŭ krainie, u tym liku i Biełteleradyjokampanija. 25–30% skaračeńnia i pavieličeńnie efiektyŭnaści — heta niepachisnaje majo patrabavańnie, i vy, napeŭna, heta ŭžo adčuvajecie».
