Aleh Stachajevič (źleva) staŭ važakom maładych rabočych mikaševickaha «Hranita». Fota Siarhieja Hudzilina.
28 lutaha aficyjny Minsk vysłaŭ ź Biełarusi pasłoŭ ES i Polščy, i adklikaŭ svaich.
19 sakavika Luboŭ Kavalova atrymała list ź Viarchoŭnaha suda, u jakim paviedamlałasia pra rasstreł jaje syna Uładzisłava. Fota radyjo «Svaboda».
14 krasavika vyzvalili eks-kandydata ŭ prezidenty Andreja Sańnikava. Sustreča na minskim čyhunačnym vakzale. Fota Siarhieja Hudzilina.
U Kanach adbyłasia suśvietnaja kinapremjera dramy «U tumanie» pavodle Vasila Bykava. Režysior Siarhiej Łaźnica na čyrvonaj darožcy. Fota radyjo «Svaboda».
U červieni ŭ Polščy i Ukrainie prajšoŭ Čempijanat Jeŭropy pa futbole. Pieramahła Ispanija.
4 lipienia hrupa šviedaŭ na lohkamatornym samalocie i raskidała nad Iviancom i Minskam plušavych miadźviedzikaŭ z nadpisami ŭ padtrymku pravoŭ čałavieka ŭ Biełarusi.
Pryjom z nahody Dnia Šviecyi ŭ hetym hodzie apynuŭsia apošnim dla paśla Eryksana. U žniŭni jaho vysłali z krainy, pasolstva začynili. Fota Siarhieja Bachuna.
Daterminovyja vybary ŭ parłamient pačalisia sa źbićcia aktyvistaŭ apazicyi i žurnalistaŭ. Fotakarespandent AR Siarhiej Hryc paśla «pravierki dakumientaŭ». Fota Baj.by.
U kastryčniku ŭspychnuŭ skandał, źviazany z zabudovaj u achoŭnaj zonie Kurapataŭ vializnaha restarana «Bulbaš-choł». Fota Siarhieja Hudzilina.
Barak Abama pieramoh Mita Romni na vybarach prezidenta ZŠA. Časopis Time nazvaŭ jaho čałaviekam hoda.
Łukašenka padpisaŭ dekret №9, jaki zabaraniaje supracoŭnikam drevaapracoŭčych pradpryjemstvaŭ zvalniacca biez zhody pracadaŭcy. Fota BiełTA.
Studzień
Pačatak hoda adznačyŭsia pratestami rabočych. Nabraŭ moc kanflikt na mikaševickim «Hranicie». U staršyni mika¬ševickaj supołki niezaležnaha prafsajuza Aleha Stachajeviča zabrali paśviedčańnie kiroŭcy, a tym samym i pracu.
Stała viadoma, što eks-kandydat u prezidenty Andrej Sańnikaŭ padpisaŭ prašeńnie ab pamiłavańni.
Viktoryja Azaranka stała pieršaj rakietkaj śvietu — u finale Australian Open jana pieramahła Maryju Šarapavu.
Luty
Dypłamatyčny skandał: aficyjny Minsk vysłaŭ z krainy kiraŭnicu pradstaŭnictva Jeŭrakamisii Majru Moru i pasła Polščy Lešaka Šarepku. U adkaz usie pasły krain ES vyjechali ź Biełarusi.
Hramadskaść vyjaviła machinacyi ŭ hałasavańni ŭ finale «Jeŭrafestu». U vyniku śpiavačka Alena Łanskaja vymušanaja była addać pieramohu hurtu Litesound.
4 lutaha ŭ Maskvie apazicyja vyvieła na mitynh na Bałotnaj płoščy bolš za 100 tysiač čałaviek.
Sakavik
17 sakavika rodnyja asudžanych za terakt u minskim mietro atrymali list ź Viarchoŭnaha Suda, u jakim havaryłasia, što Kanavałava i Kavalova rasstralali. Praces i jaho vyniki dahetul pakidajuć u pravaabaroncaŭ šmat pytańniaŭ.
Jeŭrasajuz pašyryŭ śpis vizavych i ekanamičnych sankcyj suprać łukašenkaŭcaŭ. U tym liku suprać biznesoŭcaŭ Čyža, Tarnaŭskaha i Piefcijeva.
3 sakavika abviaścili pieršaha pieramožcu Litaraturnaj premii imia Hiedrojca. Im staŭ Pavieł Kaściukievič.
4 sakavika na prezidenckich vybarach u Rasii pieramoh Uładzimir Pucin. Mitynh apazicyi žorstka razahnali.
Krasavik
14 krasavika na volu vyjšaŭ Andrej Sańnikaŭ, na nastupny dzień vyzvalili Źmitra Bandarenku. Nieŭzabavie ŭ Biełaruś pačali viartacca pasły krain ES.
Maj
Rabotnica Mazyrskaha NPZ Maryna Cyblijenka adsudziła ŭ apazicyjaniera Viktara Ivaškieviča 500 tysiač rubloŭ za zakliki da sankcyj. Jana zajaviła, što nie maje ŭpeŭnienaści ŭ budučyni i pieražyvaje stres.
Film Siarhieja Łaźnicy «U tumanie» pavodle adnajmiennaj apovieści Vasila Bykava atrymaŭ pryz Mižnarodnaj Fiederacyi kinakrytykaŭ u Kanach.
Na «Jeŭrabačańni» ŭ Baku pieramahła šviedskaja śpiavačka Łaryn. U časie konkursu jana sustrełasia z pradstaŭnikami azierbajdžanskaj apazicyi, a paźniej u Minsku — z žonkaj Alesia Bialackaha.
Červień
U Biełaruś viarnuŭsia aryhinalny asobnik Statuta Vialikaha Kniastva Litoŭskaha. Jaho vykupili za $45 tysiač u maskoŭskaha antykvara. Da viartańnia relikvii spyčynilisia student Andrej Radkoŭ, dyrektar Muzieja historyi Mahilova Alaksiej Baciukoŭ i navukoviec Źmicier Jackievič.
Lidarka birmanskaj apazicyi Aunh San Su Čžy praz 21 hod atrymała svaju Nobieleŭskuju premiju.
U Polščy i Ukrainie pačaŭsia Čempijanat Jeŭropy pa futbole. Nikoli jašče čempijanat nie padbiraŭsia tak blizka da našych miežaŭ. Pieramahli ispancy.
Lipień
4 lipienia hrupa šviedaŭ pierasiekła miažu Biełarusi na lohkamatornym samalocie i raskidała nad Iviancom i Minskam sotni plušavych miadźviedzikaŭ z nadpisami ŭ padtrymku pravoŭ čałavieka ŭ Biełarusi. Ułady doŭhi čas admaŭlali hety fakt. Paźniej KDB zatrymaŭ maładoha fatohrafa Antona Surapina, jaki pieršym raźmiaściŭ zdymki mišak na svaim sajcie, a taksama ryełtara Siarhieja Bašarymava, jaki zdaŭ šviedam kvateru ŭ Minsku. 26 lipienia Łukašenka adpraviŭ u adstaŭku staršyniu Dziaržpahrankamiteta Ihara Račkoŭskaha i kamandujučaha VPS i vojskami SPA Dźmitryja Pachmiełkina.
27 lipienia ŭ Łondanie star¬tavali CHCHCH Alimpijskija hulni. Biełaruskija spartoŭcy nie vykanali zahadu pryvieźci 25 miedaloŭ.
Žnivień
Pasła Šviecyi Stefana Eryksana vysłali ź Biełarusi, pasolstva spyniła pracu.
20 žniŭnia Łukašenka pravioŭ čarhovuju rakiroŭku. Na miesca vyzvalenaha ad pasady ministra zamiežnych spraŭ Siarhieja Martynava pryznačyli nievyjaznoha kiraŭnika Administracyi prezidenta Uładzimira Makieja.
Biełaruskuju šturchalnicu jadra Nadzieja Astapčuk pazbavili załatoha miedala Alimpijady ŭ Łondanie praz užyvańnie dopinhu.
Chamoŭnicki sud Maskvy 17 žniŭnia prysudziŭ udzielnic hurtu Pussy Riot, abvinavačanych u chulihanstvie za pank¬malebien «Baharodzica, Pucina prahani» ŭ maskoŭskim Chramie Chrysta Zbaŭcy, da dvuch hadoŭ ahulnaha režymu.
Narviežski teraryst Anders Brejvik atrymaŭ 21 hod turmy.
Vierasień
23 vieraśnia adbylisia vybary ŭ parłamient. Ekśpierty nazvali ich adnymi z samych panyłych u najnoŭšaj historyi. Niezaležnyja naziralniki zaśviedčyli nadzvyčaj nizkuju jaŭku nasielnictva na ŭčastki dla hałasavańnia.
U Hrodnie z prodažaŭ źniali knihu «Hrodnaznaŭstva». Na aŭtaraŭ knihi pačaŭsia cisk: vykładčykaŭ univiersiteta imia Janki Kupały Andreja Čarniakieviča i Ihara Kuźminiča zvolnili, inšym abrezali staŭki.
14 vieraśnia ŭ Hrodnie byŭ zatrymany redaktar časopisa «Arche» Valer Bułhakaŭ, jaki prezientavaŭ novuju knihu. Supracoŭniki padatkovaj inśpiekcyi zrabili «kantrolny zakup». Bułhakaŭ byŭ vymušany źjechać z krainy.
26 vieraśnia na svabodu vyjšaŭ palitviazień Siarhiej Kavalenka.
Kastryčnik
Nobieleŭskuju premiju miru 2012 atrymaŭ Jeŭrasajuz — «za pieratvareńnie kantynienta vojnaŭ u kantynienta miru». Adnym z naminantaŭ byŭ Aleś Bialacki.
Naprykancy miesiaca ŭspychnuŭ skandał, źviazany z zabudovaj u achoŭnaj zonie Kurapataŭ. U jakuju sotniu mietraŭ ad kryžoŭ dabudoŭvajecca vializny restaran «Bulbaš¬choł». Rezanans u hramadstvie prymusiŭ Minkultury ŭziacca za spravu.
Łukašenka nacyjanalizavaŭ kandytarskija fabryki «Kamunarka» i «Spartak».
Andrej Sańnikaŭ atrymaŭ palityčny prytułak u Vialikabrytanii.
Listapad
Sieryja nadzvyčajnych zdareńniaŭ: 5 listapada na biełaruskapolskaj miažy adbyŭsia vybuch, 6 listapada nieviadomyja kinuli «kaktejl Mołatava» ŭ litoŭskaje pasolstva ŭ Minsku, 11 listapada ŭ Viciebsku kala KDB adbyvajecca vybuch «samarobnaha piratechničnaha prystasavańnia», paškodžanyja vokny.
Vyzvaleny ad pasady kiraŭnik KDB Vadzim Zajcaŭ, nieŭzabavie jaho miesca zaniaŭ staršynia Śledčaha kamiteta Valer Vakulčyk. Ministr kultury Pavieł Łatuška staŭ pasłom u Francyi.
7 listapada ŭ Minsku zapracavali try novyja stancyi mietro — «Hrušaŭka», «Michałova» i «Piatroŭščyna».
Barak Abama pieramoh Mita Romni na vybarach prezidenta ZŠA.
Śniežań
Łukašenka padpisaŭ dekret №9, jaki zabaraniaje supracoŭnikam drevaapracoŭčych pradpryjemstvaŭ zvalniacca biez zhody pracadaŭcy.
Pad Viciebskam kamunalnyja słužby ŭ supravadžeńni milicyi źnieśli i spalili viosku Paŭłavičy. Jaje musili źnieści jašče 20 hadoŭ tamu, kab pabudavać novuju CEC, ale płany źmianilisia i ludzi letavali tam dahetul.
Miniskija ŭłady adklikali pretenzii da carkvy «Novaje žyćcio». Vierniki adstajali svoj budynak, za jaki zmahalisia apošnija 6 hadoŭ.
