Kiroŭca «Porše», jaki zadušyŭ treciakłaśnika ŭ Minsku, znajomicca z materyjałami spravy 4

Kiroŭca «Parše Kajena», jaki zadušyŭ viečaram 13 listapada treciakłaśnika kala škoły № 23 na vulicy Pančanki ŭ Minsku, užo znajomicca z materyjałami kryminalnaj spravy. U najbližejšy čas jany buduć pieradadzieny ŭ prakuraturu dla nakiravańnia ŭ sud,

paviedamili ŭ Śledčym kamitecie Biełarusi.

Nahadajem, 13 listapada ŭ 19 hadzin 37-hadovy minčanin, dyrektar pryvatnaha pradpryjemstva, za rulom «Parše Kajena» ruchajučysia pa miascovym prajeździe nasuprać doma № 56 pa vulicy Pančanki, padjechaŭšy da škoły pad zabaronnyja znaki, učyniŭ najezd na dzieviacihadovaha vučnia 3-ha kłasa, jaki raptoŭna vybieh na prajeznuju častku. U vyniku DTZ dzicia atrymała ciažejšyja traŭmy i pamierła ŭ mašynie chutkaj miedycynskaj dapamohi.

Śledčym upraŭleńniem upraŭleńnia Śledčaha kamiteta pa Minsku ŭ dačynieńni da kiroŭcy raspačata sprava pa č. 2 art. 317 KK

(parušeńnie praviłaŭ darožnaha ruchu, što paciahnuła pa nieaściarožnaści śmierć čałavieka). Paźniej jana była pieradadzienaja dla rasśledavańnia ŭ centralny aparat SK.

Paśla pradjaŭleńnia vadzicielu abvinavačańnia, u pačatku śniežnia, jon byŭ uziaty pad vartu.

Praviedzieny 20 listapada śledčy ekśpierymient pakazaŭ, što kiroŭca minimum za dźvie siekundy da trahiedyi mieŭ abjektyŭnuju mahčymaść bačyć dzicia.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH