Hałasuj nie hałasuj
Zhodna z vynikami apytańnia,
rejtynh Alaksandra Łukašenki znachodzicca na raniejšym uzroŭni. Hałasavać za jaho na novych vybarach prezidenta hatovyja 31,5% (u vieraśni było 31,6%).U toj ža čas daviarajuć jamu 39,1% respandentaŭ, a nie daviarajuć 49,1% (było 38,5% suprać 51,9%).
Adnak nadziei na vychad Biełarusi z kryzisu bolš za ŭsio respandentaŭ (34,1%) źviazvajuć mienavita z… kiraŭnikom dziaržavy. Z pradprymalnikami — 28,8%, z Rasijaj — 24%, z Zachadam — 20,7% z apazicyjaj — 8,6%).
Rejtynhi lidaraŭ apazicyipa-raniejšamu vahajucca ad 4,8% u A.Sańnikava i 4,6% va U.Niaklajeva da 1,1% u M.Statkieviča i 0,9% u A.Labiedźki.
Na pytańnie: «Što, na Vaš pohlad, pavinna rabić apazicyja?», bolš za ŭsio respandentaŭ (35%) skazali «prapanavać dyjałoh ŭradu» («damahacca adstaŭki prezidenta» — 33.4%, «arhanizavać zbrojny čyn ci revalucyju» — 3.1%).
Chto vinavaty?
Hałoŭnym vinavatym u ciapierašnim ekanamičnym kryzisie biełarusy ličać kiraŭnika dziaržavy (41%), na druhim miescy — urad (39,1%),apazicyju vinavaciać 11,5%, Jeŭropu — 10,9%, Rasiju — 7,5%. Razam z tym, «uzrovień vinavataści ŭłady» u vačach nasielnictva źnižajecca.
Admietna, što pra nacyjanalizacyju «Kamunarki» i «Spartaka» čuli amal pałova (46,7%) apytanych. Bolšaść ź ich (36,1%) nie ŭchvalajuć hetaje rašeńnie, pakolki jano supiarečyć biełaruskamu zakanadaŭstvu. 21,1% apytanych uchvalajuć, pakolki «pradpryjemstva ŭ svoj čas byli pryvatyzavanyja niezakonna». Jašče 10,9% uchvalajuć, niahledziačy na toje, što rašeńnie supiarečyć biełaruskamu zakanadaŭstvu).
Što rabić?
Suadnosiny tych, chto ličyć, što «ŭ cełym stanovišča spraŭ u krainie raźvivajecca ŭ niapravilnym nakirunku»(47.4% vs. 34.1% u vieraśni i 46.1% vs. 33.5% u śniežni). Niadziŭna, što svaju bližejšuju budučyniu bolšaść biełarusaŭ aceńvajuć chutčej skieptyčna, čym aptymistyčna: 23,3% apytanych ličać, štopa-raniejšamu značna pieravyšaje kolkaść tych, chto daŭ supraćlehły adkaz
aceńvajučy «pośpiechi biełaruskaj ekanamičnaj madeli», tracina apytanych skazała, što «nijakich pośpiechaŭ u biełaruskaj ekanomiki niama», jašče 28.4% — što «kali b nie rasiejskaja dapamoha nijakich pośpiechaŭ biełaruskaj ekanomiki nie było b», i tolki 28,1% ličać, što «pośpiechi biełaruskaj ekanomiki tłumačacca ŭnutranymi pryčynami».
Hieapalityčny vybar
U źniešniepalityčnych aryjentacyjach biełarusaŭ istotnych źmienaŭ nie nazirajecca. Taksama, jak i ŭ trecim kvartale,
pry nieabchodnaści vybaru pamiž abjadnańniem z Rasijaj i ŭstupleńniem ŭ Jeŭrasajuz za pieršy varyjant vykazvajucca 37,7%, a za druhi 43,4% apytanych (było 36,2% suprać 44,1%).
Adnak, u bolš hłybokaj retraśpiektyvie «drejf» hramadskaj dumki ad Rasii da Jeŭrasajuza stanovicca ŭsio bolš prykmietnym. Tak, kali ŭ śniežni 2011 h. za ŭstupleńnie ŭ ES na hipatetyčnym refierendumie prahałasavali b 35,9%, a suprać 36,9%, za abjadnańnie z RF 29%, a suprać 42.9%, to ŭ śniežni hetyja suadnosiny stała 38,9% vs. 37.6% i 28.7% vs. 47.5% adpaviedna.
