Pieršyja stancyi treciaj linii minskaha mietro zapracujuć u 2017 hodzie. Pra heta paviedamiŭ dyrektar «Minskmietroprajekt» Valer Čakanaŭ.
Pa jaho słovach, pieršy učastak prajektujecca jak aŭtamatyzavany mietrapaliten. Jaho mahčymaści dazvolać ciahnikam pry nieabchodnaści ruchacca biez mašynista.Usie sistemy kiravańnia buduć skancentravany ŭ adzinym dyśpietčarskim punkcie inžyniernaha korpusa i ŭ dziažurnaj pa stancyi. Za košt hetaha atrymajecca skaracić kolkaść piersanału.
Aproč taho, u mietro źjaviacca pieršyja travałatary — heta stužki nakštałt eskałataraŭ, jakija pierasoŭvajucca haryzantalna i paskarajuć ruch piešachodaŭ.
Travałatar ź nievialikim uchiłam u mietro Manreala.
Najčaściej jany ŭstaloŭvajucca ŭ aeraportach i bujnych handlovych centrach. Staŭšy na travałatar i jedučy pa im, možna chutka pieradolvać adlehłaść.
Takija pryłady miarkujecca ŭstanavić u tunelach, što źviažuć stancyju mietro «Płošča Niezaležnaści» i stancyju «Vakzalnaja» z treciaj linii mietro. Daŭžynia tunelaŭ składzie bolš za 100 mietraŭ.
0
0
0
0
0
0
