Hienieralnaja prakuratura Litvy vyrašyła źviarnucca da Šviecyi z prośbaj pieraniać kryminalny pieraśled u suviazi ź niezakonnym pierasiačeńniem miažy,kali šviedskija aktyvisty 4 lipienia na maleńkim samalocie prylacieli ź Litvy ŭ pavietranuju prastoru Biełarusi i skinuli sotni plušavych mišak z łozunhami da svabody słova, piša Delfi sa spasyłkaj na BNS.
U raspaŭsiudžanym u sieradu paviedamleńni prakuratura adznačaje, što ŭ Litvie praviedzieny ŭsie mahčymyja dziejańni ŭ ramkach kryminalnaha pracesu, a dalejšy kryminalny pieraśled mahčymy tolki ŭ Šviecyi.
Litoŭskija prakurory pryznali padazravanymi dvuch čałaviek.
Pavodle źviestak Hienprakuratury, u vyniku rasśledavańnia ŭstanoŭlena, što 4 lipienia lohki samalot Jodel sa šviedskim rehistracyjnym numaram, parušyŭšy lotnyja praviły, bieź nieabchodnych dakumientaŭ i dazvołu pierasiok miažu ź Biełaruśsiu [dzie nad Iviancom i Minskam byli raskidavanyja plušavyja miadźviedziki z zaklikam da svabody słova], a potym viarnuŭsia ŭ Litvu.
Hetaja prośba Hienprakuratury razam z materyjałami spravy pieradajecca litoŭskamu Ministerstvu justycyi, jakoje, zhodna z praduhledžanaj mižnarodnaj damovaj, budzie pasiaredničać u pierasyłcy i dalejšym razhladzie spravy ŭ Šviecyi.
Alaksandr Łukašenka nie raz zaklikaŭ Litvu rasśledavać toje, što zdaryłasia. Zakranuŭ jon temu «plušavaha desantu» i ŭčora, padčaszajaviŭšy, u tym liku, što «kali jany buduć zasyłać samalociki na našu terytoryju, my budziem tolki bolš žorstka achoŭvać dziaržaŭnuju miažu. Ja, jak prezident, niasu za heta adkaznaść i budu rabić usio, kab zabiaśpiečyć biaśpieku našaj miažy. Tym bolš ja — stary pamiežnik i viedaju, što heta takoje».pres-kanfierencyi ,