Mikałaj Ładućka «zaśviaciŭ» svoj chranomietr padčas pres-kanfierencyi 23 studzienia ŭ Minsku. Na fotazdymkach adtul bačny hadzińnik Edox Les Bemonts Ultra Slim, jaki mocna ciśnie ramieńčykam na ruku mera.
U Minsku takaja cacka kaštuje kala 10 miljonaŭ rubloŭ, albo prykładna 725 jeŭra. Kali paraŭnoŭvać z hadzińnikam prem'jer-ministra Michaiła Miaśnikoviča koštam 37 tysiač dołaraŭ, to heta vielmi ścipła. Ale doraha, kali ŭzhadać słovy Ładućki ab 5 miljonach u miesiac, na jakija biełaruski mužčyna pavinien prakarmić žonku i dvaich dziaciej. Zatoje hadzińnik Mikałaja Ładućki źjaŭlajecca samym tonkim hadzińnikam z kalendarom u śviecie.
