Tak vyhladaŭ dom paśla vybuchu
Tak vyhladaje adnoŭleny dom
«Na dumku śledstva, trahiedyju možna było b praduchilić, kali b rabotniki „Łahojskrajhaza“ svoječasova i naležnym čynam adreahavali na paviedamleńni, jakija pastupali ad žycharoŭ doma.Adnamu z kirujučych rabotnikaŭ arahnizacyi pradjaŭlenyja abvinavačvańni ŭ słužbovaj chałatnaści», — raskazaŭ na
Trahiedyja adbyłasia amal hod tamu — 8 lutaha 2012 hoda. Siarod biełaha dnia ŭ šmatkvaternym domie vajennaha haradka prahrymieŭ mahutny vybuch. U vyniku adzin padjezd budynka byŭ całkam razburany. Dva žychary doma mocna paciarpieli: adnamu žylcu adarvała nahu, jašče adzin mužčyna zahinuŭ.
Śledčyja pryjšli da vysnovy, što ŭ vybuchu vinavatyja hazaviki, jakija nienaležnym čynam vykonvali ramontnyja pracy.
U vyniku haz pačaŭ zapaŭniać pamiaškańni doma, pakul u adnoj z kvater nie ŭklučyłasia ladoŭnia. Mienavita jana, pa asnoŭnaj viersii, i stała niepasrednaj pryčynaj vybuchu.
Abvinavačańnie ŭ słužbovaj chałatnaści pradjaŭlenaje adnamu z supracoŭnikaŭ «Łahojskrajhaza». Miarkujecca, što źjavicca jašče adzin abvinavačany, ale ŭ Śledčym kamitecie Jeŭraradyjo hetu infarmacyju pakul nie paćviardžajuć. Dyrektar arhanizacyi Dźmitryj Ščurevič kamientavać niepryjemnuju historyju nie staŭ. Havoryć, što da suda ab niečym mierkavać rana.
«Ja na hety kont ničoha pakul nie mahu prakamientavać. Tamu što jašče nie skončanaje śledstva.Abvinavačańnie — tak, jano pradjaŭlenaje starejšamu majstru. Usio sud vyrašyć. Jašče budzie sud, jaki dakładna vyśvietlić, chto vinavaty, a chto nie».
U «Łahojskrajhazie» taksama havorać, što pakul abvinavačany pracuje na svaim miescy — zvalniać jaho nie stali. Pavodle 428 artykuła Kryminalnaha kodeksa jamu pahražaje da piaci hadoŭ pazbaŭleńnia voli z zabaronaj zajmać peŭnyja pasady. Kaniec śledstva zapłanavany na 8 lutaha. Paśla hetaha materyjały spravy pieradaduć u sud.
