Najbolšyja płacielščyki — «Biełtranshaz», «Łukojł‑Biełaruś» i «Miensk Kryštal».
Najbolšyja płacielščyki — «Biełtranshaz», «Łukojł‑Biełaruś» i «Minsk Kryštal».
Pa vynikach pracy za pieršaje paŭhodździe 2007 hoda bolš za 38 % dachodaŭ dziaržaŭnaha biudžetu, jakija kantralujucca padatkovymi orhanami, zabiaśpiečana płacielščykami Minska.
Jak paviedamlaje pres‑słužba Ministerstva pa padatkach i zborach, u kansalidavany biudžet stalicy mabilizavana 4 trłn. 659,3 młrd. rubloŭ, ci 101,9 % ad zapłanavanaha. Najbolšy abjom pastupleńniaŭ u biudžet stalicy zabiaśpiečyli płacielščyki Savieckaha (19,1 %), Leninskaha (15,4 %) i Maskoŭskaha (11,8 %) rajonaŭ.
Pa stanie na 1 lipienia farmavańnie kansalidavanaha biudžetu stalicy zabiaśpiečyli bolš za 295 tysiač płacielščykaŭ, u tym liku bolš za 30 tysiač arhanizacyj, 39,7 tysiačy indyvidualnych pradprymalnikaŭ i bolš za 225 tysiač fizičnych asob. Pryrost padatkovych pastupleńniaŭ da ŭzroŭniu minułaha hoda pa arhanizacyjach zabiaśpiečany na 3,9 %, pa indyvidualnych pradprymalnikach — na 5,8 %.
Pry hetym u MPZ adznačajuć, što struktura płaciažoŭ pa‑raniejšamu źmianiajecca ŭ bok pavieličeńnia doli pastupleńniaŭ ad niedziaržaŭnych arhanizacyj. Tak, za pieršaje paŭhodździe 2007 hoda ad hetaj katehoryi płacielščykaŭ pastupiła 49,5 % ahulnaha abjomu dachodaŭ kansalidavanaha biudžetu. U paraŭnańni z anałahičnym pieryjadam 2006 hoda ich dola pavialičyłasia na 1,6 %. Arhanizacyi dziaržsiektara zabiaśpiečyli 47,7 % ahulnaha abjomu pastupleńniaŭ biudžetu (za pieršaje paŭhodździe 2006 hoda — 49,1 %). Udzielnaja vaha pastupleńniaŭ pa indyvidualnych pradprymalnikach nie źmianiłasia i skłałasia na ŭzroŭni 2,4 %.
Piataja častka pastupleńniaŭ u biudžet Minska za paŭhodździe zabiaśpiečana tryma płacielščykami: AAT «Biełtranshaz» (11,1 % ad ahulnaj sumy pastupleńniaŭ u cełym pa horadzie), ZP «Łukojł‑Biełaruś» (4,4 %) i RUP «Minsk Kryštal» (2,7 %).
Ciapier čytajuć
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma9
Kamientary