Pra heta ŭ intervju «Sovietskoj Biełoruśsii» zajaviŭ staršynia Viarchoŭnaha Suda Valancin Sukała.Pa jaho słovach, na pačatak 2013 hoda ŭ papraŭčych ustanovach znachodziacca 24 tysiačy asudžanych. A «limit napaŭnialnaści» — 32,5 tysiačy.
«Ja havaru heta tamu, što da siońnia isnujuć dziŭnyja mify pra toje, byccam našyja kałonii pierapoŭnienyja. Na samoj spravie pačali tak aktyŭna ŭžyvacca štrafy, hramadskija pracy, inšyja alternatyŭnyja miery ŭździejańnia, što pazbaŭleńnie svabody ŭ struktury pakarańniaŭ ciapier składaje kala 20 pracentaŭ. Heta adpaviadaje jeŭrapiejskim standartam».
Staršynia VS adznačyŭ, što
«ŭsiaho letaś było zarehistravana 102 127 złačynstvaŭ. Ale z hetaj kolkaści ŭ sudy było nakiravana tolki 40 984 kryminalnyja spravy.
Pa astatnich złačynstvach užyvalisia inšyja vidy adkaznaści. Raniej takoha prosta nie było, lubuju spravu, navat samuju drobnuju, namahalisia skončyć sudovym prysudam».
Takim čynam lepšała statystyka. Bo zaviedzienaja kryminalnaja sprava ličyłasia paśpiachovaj, kali jaje davodzili da suda.
Sa stvareńniem Śledčaha kamiteta «nichto bolš nie aryjentavany na «vałavyja pakazčyki», razhladajecca tolki sutnaść kryminalnaj spravy».I letaś SK spyniŭ 3161 kryminalnuju spravu, prakuratura — 1224, sudy ŭ dasudovaj stadyi — 3425.
324 čałavieki, abvinavačanyja ŭ kryminalnych spravach, byli apraŭdanyja sudami.
U 2012 da dyscyplinarnaj adkaznaści pryciahvalisia 50 sudździaŭ — za hrubaść u adnosinach da udzielnikaŭ pracesaŭ. Pa słovach Sukały, hetaja ličba skaraciłasia ŭdvaja. A dvoje sudździaŭ byli pryciahnutyja da kryminalnaj adkaznaści.
Letaś nie było nivodnaha prysudu da śmiarotnaha pakarańnia. A čatyroch asudžanych, da jakich mahła być vykarastanaja takaja miera, asudzili da pažyćciovaha pakarańnia.
Ciapier čytajuć
Dźmitryja Łukašenki nie było z baćkam i bratami na adznačeńni 3 Lipienia19
Kamientary