Jaho zładziła partyja «Svaboda».
U hadavinu boju ŭkrainskich studentaŭ z vojskami balšavikoŭ u 1918 hodzie kala vioski Kruty, prychilniki partyi nacyjanalistaŭ «Svaboda» zładzili marš va ŭkrainskaj stalicy.
Kreml abiacaŭ za ŭvachod u Mytny sajuz značnyja źnižki ŭ koštach na haz, za jaki Kijeŭ zaraz płocić ažno $ 430 za tysiaču kubamietraŭ.Aktyvisty pratestavali suprać mahčymaha dałučeńnia Ukrainy da Mytnaha sajuza, jaki dziejnyja ŭłady ličać bolš pierśpiektyŭnym šlacham, čymsia intehracyja ź Jeŭraźviazam.
«Svaboda» ž vystupaje nie tolki suprać uvachodu ŭ Mytny źviaz, ale i suprać Jeŭrapiejskaj intehracyi. Nacyjanalisty bačać tam niebiaśpieku straty nacyjanalnaj śviadomaści. «Siońnia navakolny śviet i ŭ tym liku libieralnaja Jeŭropa skiravanyja na toje, kab ścierci miežy, u tym liku nacyjanalnyja. My nie dapuścim zacirańnia nacyjanalnych miežaŭ. My byli i zastajemsia ŭkraincami, francuzy byli i zastanucca francuzami, jak by chtości ni chacieŭ inšaha.
Siońnia dla nas Mytny sajuz – heta pastka, u jakoj Ukraina moža stracić niezaležnaść i suvierenitet», –zaznačaje deputat ad partyi «Svaboda» Ihar Švajka.
Akcyja prajšła biez zatrymańniaŭ i praktyčna biez zaŭvahaŭ z boku milicyi.
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu

Kamientary