Kolkaść achviar kanfliktu ŭ Siryi ŭščylnuju nabliziłasia da 70 tysiačaŭ čałaviek. Pra heta paviedamlaje Agence France-Presse sa spasyłkaj na zajavu kamisara AAN pa pravach čałavieka Navi Piłaj.
Nazyvajučy kolkaść zahinułych padčas hramadzianskaj vajny, Piłaj taksama padvierhła krytycy Radu Biaśpieki AAN za adsutnaść adzinaj palityki vakoł pytańnia pa vyrašeńni kanfliktu.
Jana nazvała biaździejnaść Rady biaśpieki «katastrafičnaj», a taksama zaklikała jaje nieadkładna źviarnucca ŭ Mižnarodny kryminalny sud z metaj rasśledavać złačynstvy suprać čałaviečnaści ŭ Siryi.
Papiaredniuju acenku kolkaści zahinułych u Siryi pradstaŭniki AAN publikavali ŭ pačatku studzienia 2013 hoda. Tady kolkaść achviar kanfliktu ŭ kamisaryjacie arhanizacyi pa pravach čałavieka aceńvali ŭ 60 tysiač.
Jano pačałosia z masavych vystupaŭ z patrabavańniami palityčnych svabodaŭ, jakija pieršapačatkova, pa bolšaj častcy, byli mirnymi, adnak žorstka padaŭlalisia ŭładami. Praź niekalki miesiacaŭ apazicyjaniery pierajšli da adkrytaj uzbrojenaj baraćby suprać urada i pastavili svajoj metaj źviaržeńnie režymu. AAN aficyjna pryznała toje, što adbyvajecca ŭ krainie hramadzianskaj vajnoj letam 2012 hoda.Supraćstajańnie pamiž prychilnikami i praciŭnikami prezidenta Bašara Asada ŭ Siryi praciahvajecca ź siaredziny sakavika 2011 hoda.
Na praciahu dvuch hadoŭ kanfliktu suśvietnuju supolnaść tak i nie zmahła vypracavać adziny padychod da pytańnia ŭrehulavańnia kanfliktu.Krainy Zachadu i šerah dziaržaŭ blizkaŭschodniaha rehijonu prapanoŭvali ŭ Radzie Biaśpieki AAN rezalucyi, jakija ŭskładajuć asnoŭnuju adkaznaść za toje, što adbyvajecca na ŭrad Bašara Asada, adnak dakumienty paśladoŭna błakavalisia Rasijaj i Kitajem, jakija ličać, što ŭ kanflikcie adnolkava vinavatyja abodva baki.
0
0
0
0
0
0
