Biełaruś hatova padzialicca z PAR dośviedam budaŭnictva ahraharadkoŭ 1

Pra heta zajaviŭ pasoł Biełarusi ŭ Paŭdniova-Afrykanskaj Respublicy Andrej Mołčan padčas pieramoŭ z namieśnikam ministra raźvićcia sielskich rehijonaŭ PAR Lečesa Tsiełani.

Jak paviedamlaje pres-słužba MZS Biełarusi, sustreča adbyłasia padčas rabočaha vizitu biełaruskaha dypłamata ŭ pravincyju Viestern Kiejp, jaki prachodzić 14–18 lutaha.

Mołčan taksama sustreŭsia ź ministram sielskaj, lasnoj haspadarki i rybałoŭstva PAR Cinaj Džoŭmat-Pietersan. Baki abmierkavali pierśpiektyvy supracoŭnictva ŭ śfiery sielskaj haspadarki, uklučajučy zakupku biełaruskaj sielskahaspadarčaj techniki i abstalavańnia, uhnajeńniaŭ, abmien vopytam u śfiery refarmavańnia ahrarnaha siektara i arhanizacyi charčovaj biaśpieki.

Aprača taho, adbyłasia sustreča pasła Biełarusi z Ksałani Kiubiekaj, vykanaŭčym dyrektaram Savieta čarnaskurych pradprymalnikaŭ, jaki abjadnoŭvaje bolš jak 350 tys. pradprymalnikaŭ i kampanij roznaha profilu. Udzielniki sustrečy abmierkavali chod realizacyi miemaranduma ab supracoŭnictvie pamiž uradam Biełarusi i Savietam čarnaskurych pradprymalnikaŭ, padpisanaha ŭ žniŭni 2012 hoda. Byli razhledžany pierśpiektyvy realizacyi šerahu sumiesnych prajektaŭ.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH