Viktar Martynaŭ naradziŭsia ŭ Adesie. Piechacincam prajšoŭ franty Druhoj suśvietnaj. U Minsk jon trapiŭ u 1960, paśla navučańnia i vykładańnia ŭ Adeskim i Lvoŭskim univiersitetach.U biełaruskaj Akademii navuk Martynaŭ źmianiŭ svaje cikavaści: byŭ litaraturaznaŭcam, daśledavaŭ polskuju paeziju, a tut zaniaŭsia linhvistykaj — słavistykaj i indajeŭrapieistykaj.
Adna z samych važnych vysnovaŭ Martynava «biełaruskaha pieryjadu» — heta toje, što prasłavianskaja mova sfarmavałasia na bazie zachodniebałckaha moŭnaha areała z nasłajeńniem na jaho italijskaha elemienta, blizkaha da łaciny.Kancepcyja, jakaja vyvodzić prasłavianaŭ z zachodniebałckaha marhinezu, była krytyčna sustretaja častkaj navukovaj hramadskaści. Ale
śpiecyfičnyja adnosiny bałtyjskich i słavianskich movaŭ, i ŭ pieršuju čarhu biełaruskaj movy, zaŭsiody zastavalisia ŭ kole intaresaŭ Martynava, u tym liku pry rabocie nad «Etymałahičnym słoŭnikam biełaruskaj movy». Hety słoŭnik — unikalny prajekt, jaki pačaŭ ažyćciaŭlacca pad kiraŭnictvam Martynava.Pieršy tom vyjšaŭ u 1978, siońnia my majem 13-y tom, i vydańnie praciahvajecca. Jašče ŭ praśpiekcie da pieršaha toma Viktar Martynaŭ kateharyčna nie prymaŭ aficyjna prapahandavany tezis pra adzinuju kałysku ŭsich uschodniesłavianskich movaŭ i narodaŭ. Taksama Martynaŭ braŭ udzieł u t.zv. Paleskich ekśpiedycyjach. Zychodziačy sa svajoj kancepcyi praradzimy słavian, V. Martynaŭ ličyŭ Paleśsie, dakładniej, Zachodniaje Paleśsie, terytoryjaj pieršaj słavianskaj mihracyi na ŭschod.
U 1960-ja ŭ daśledčyka źjaviłasia jašče adna śfiera zacikaŭleńniaŭ — linhvistyčnyja aśpiekty štučnaha intelektu. Lubaja mova čałaviectva nastolki raznastajnaja i bahataja, što amal kožnaje vykazvańnie chavaje ŭ sabie niapeŭnaść, niekankretnaść.A ŭ kantaktach z mašynaj heta stvaraje prablemy parazumieńnia. Viktar Martynaŭ i sprabavaŭ źniać hetuju niapeŭnaść, vyłučyŭšy ŭ słovach «kvanty» siemantyčnaj (sensavaj) infarmacyi dy praviły ich spałučeńnia. Praz takuju farmalizacyju movy Martynavym byŭ stvorany USK — Univiersalny Siemantyčny Kod. U 1970-ja heta było adno z samych vyraznych dasiahnieńniaŭ biełaruskich linhvistyki i infarmatyki.
Da svaich apošnich dzion Viktar Martynaŭ nie pakidaŭ zaniatkaŭ navukaj. Jak humanist jon spryjaŭ parazumieńniu pamiž ludźmi i šmat čaho zrabiŭ dla pašyreńnia viedaŭ pra biełaruskuju navuku i Biełaruś u śviecie.
0
0
0
0
0
0
