Prapanova skaracić nabor na ekanamičnyja i jurydyčnyja śpiecyjalnaści prahučała ad namieśnika prem'
Minadukacyi jašče niekalki hadoŭ tamu zaŭvažyła, što ŭ Biełarusi nie taki mahutny ekanamičny patencyjał, kab dać pracu ŭsim ekanamistam, tamu ŭ 2013 hodzie budzie skaročany abo zakryty pryjom na hetyja śpiecyjalnaści ŭ dzieviatnaccaci navučalnych ustanovach. Nie stanie vyklučeńniem i BarDU — naboru na śpiecyjalnaść «ekanomika i kiravańnie na pradpryjemstvie» sioleta nie budzie.
Darečy, na konkurs na hetuju śpiecyjalnaść u BarDU niekalki hadoŭ padaŭ. Kali ŭ 2010 hodzie na miesca pretendavała 9,6 čałaviek, to ŭ minułym konkurs skłaŭ 4,4 čałavieka. A na ŭmovach apłaty na «ekanomiku i kiravańnie» pryjšła tolki pałova zapłanavanych abituryjentaŭ. Studentaŭ, jakija ŭžo vučacca na hetaj śpiecyjalnaści, źmieny nie zakranuć.
Akramia taho, u BarDU zastanucca takija ekanamičnyja śpiecyjalnaści, jak «markietynh», «ekanomika i kiravańnie turysckaj industryjaj» i «ekanomika i arhanizacyja na vytvorčaści (mašynabudavańnie)».
U cełym ža pa Biełarusi skaročana 18% biudžetnych miescaŭ na ekanamičnyja śpiecyjalnaści i 14% — na jurydyčnyja. Na dumku Minadukacyi, u lišku ŭ našaj krainie i piedahohi — biudžetnych miescaŭ na hetaj śpiecyjalnaści stanie na 300 mienš, a na «palitałohiju» pryjom skaracili ŭ dva razy.
Usiaho ličby pryjomu ŭ paraŭnańni z 2012 hodam buduć skaročanyja na 1,7 tys. biudžetnych miescaŭ, ź ich na dzionnaj formie navučańnia — 0,8 tys.
Za košt hetaha, jak zapeŭnivajuć u Minadukacyi, sekanomlenyja biudžetnyja srodki atrymajecca nakiravać na «zapatrabavanyja vysokatechnałahičnyja śpiecyjalnaści».
