24 lutaha Ryhoru Baradulinu spaŭniajecca 78 hadoŭ. Žadajem patryjarchu biełaruskaj paezii zdaroŭja, tvorčaj i žyćciovaj mocy, radaści.
«Epocha Baradulina». Film režysiora Viktara Korzuna.
Ryhor Baradulin. Uciakała zima ad viasny
Uciakała zima ad viasny
Pa kustach vierbałozaŭ rahatych, —
Joj kaptan abarvali jany,
I na holli matlajecca vata.
Uciakała zima ad viasny,
Uciakała pa rekach, aziorach,
Lod zatreskaŭ, zakrektaŭ, zanyŭ,
Zdradziŭ lod — i vada na prastory.
Tolki zvon kryhałomu ačach —
Brod šukajuć
I trymajuć na nicych plačach,
Jak dziaciej pałachlivych, buślanki.
A viasna dahaniała zimu;
Zajac skočyŭ u łužu błakitu,
Bo na chvost nastupiła jamu,
I praleski raspyrskaŭ, raskidaŭ.
I ŭciakała zima ad viasny,
Pad nahami łamačča zatleła,
Parastresła pa ściežkach lasnych
Śnieh apošni svoj z łandyšaŭ biełych.
Uciakała zima ad viasny —
Uciakała…