Uładzimir Čudziancoŭ vydaliŭ svoj akaŭnt u Fejsbuku i vycier usie zapisy z Łajvdžornała paśla taho, jak u internecie prakaciłasia chvala krytyki. Jak vyśvietliłasia, Čudziancoŭ pačynaŭ svaju karjeru žurnalista z paklopnickich materyjałaŭ na lidaraŭ apazicyi ŭ 1990-ch. Tady jon byŭ Uładzimiram Zujevym. Juryj Zisier, ułaśnik Tut.baja, źmiaściŭ zajavu Čudziancova ŭ svaim Fejsbuku:
«Takim čynam, pryznaju: sproba zastupicca za Ju.A. [Zisiera] u historyi z «Chartyjaj» pryviała da taho, što ja atrymaŭ u svoj adras cebry łajna, masu pravakacyj i kapańnie ŭ brudnaj bialiźnie 15-20-hadovaj daŭniny.
Na niekatoryja (a mienavita - dźvie, Lipkoviča i Natalli Šaraj z «Komsomolskoj pravdy», jakaja publična abazvała mianie hiejem) pravakacyi nie strymaŭsia i abmaciukaŭ ich u ličcy (prašu zaŭvažyć - nie publična, a mienavita ŭ ličcy).
Viadoma, krok byŭ durny i nieabdumany, ale prašu zrazumieć mianie pravilna: pravakavali i davodzili mianie da zryvu śviadoma, metanakiravana i nie adzin dzień. Toj ža Lipkovič da našaj sutyčki nakrapaŭ pra mnie cełuju praścinu hadaściaŭ u supolnaści by_politics.
Prašu prabačyć mnie chamstva.
Ja pajšoŭ z facebook. Tak i mnie budzie lepš (nie budu bačyć paskudstvaŭ na svoj adras, dyj zryvacca na adkazy budzie niama dzie).
Z pavahaj, Uładzimir».
