Alaksandr Łukašenka patrabuje ad univiersitetaŭ skaračeńnia vydatkaŭ i łajalnaści.Takuju zadaču jon pastaviŭ siońnia, dajučy zhodu na pryznačeńnie rektaraŭ troch biełaruskich VNU.
Źviartajučysia da kiraŭnikoŭ ustanovaŭ adukacyi, Alaksandr Łukašenka adznačyŭ, što «kryčačych prablem u VNU niama, ale zvyčajnych — bolš čym dastatkova».
«Nam treba dašlifavać usio toje, što my kaliści pačali rabić, až da arhanizacyjnych momantaŭ. Ja maju na ŭvazie skaračeńnie terminaŭ navučańnia,vybaru tych pradmietaŭ, jakija patrebnyja, kab my nie prymušali studentaŭ pracavać pa pryncypie «zdaŭ zalik i zabyŭsia», — skazaŭ jon.
«Ja dumaŭ, što tut budzie nie farmalnaje prasoŭvańnie, a razumnaje, i nie ź niejkich viedamasnych padychodaŭ, što tam hadzin nie chopić kamuści. Treba žyć dziaržaŭnymi intaresami», — dadaŭ Łukašenka.
«My vielmi dobra viedajem, što tam lišniaje, što treba pakinuć, a što dadać. Ale skaračacca treba. I ŭ hetym kirunku praces pajšoŭ», — kanstatavaŭ jon.
U toj ža čas Alaksandr Łukašenka padkreśliŭ, što surjoznuju ŭvahu nieabchodna źviarnuć i na jakaść navučańnia. Pavodle jaho słoŭ, u navučalnych ustanovach ŭsio jašče nazirajucca fakty raschlabanaści, biezadkaznaści, farmalnaha padychodu da spravy.
Łukašenka taksama akcentavaŭ uvahu na svaim patrabavańni aryjentavać navučańnie studentaŭ na praktyku.
«Samaje hałoŭnaje — heta praktyka. Pałovu času, asabliva studenty sielhasVNU, inšych prykładnych śpiecyjalnaściaŭ, pavinny być na miescach. Da prykładu, piedahohi pavinny pastajanna być u škole,paŭtara, dva hady ŭ aŭdytoryjach natreniravali, navučyli i potym treniroŭka ŭ škole, u poli, na pradpryjemstvie. Chaj student lepš raniej (nie daj boh, kali heta zdarycca) adčuje, što jon nie tudy trapiŭ. A tak jon zakančvaje VNU, prychodzić u sielhasarhanizacyi, abo na pradpryjemstva, abo ŭ škołu, adčuvaje, što nie tudy trapiŭ, i pačynajecca pierakvalifikacyja», — adznačyŭ Łukašenka.
Alaksandr Łukašenka zapatrabavaŭ ad rektaraŭ być aktyŭnymi ŭdzielnikami madernizacyi navučalnaha pracesu:«Chaciełasia b, kab madernizacyja hetych VNU išła nie tolki źvierchu, ad ministra, ale i vy byli jaje aktyŭnymi ŭdzielnikami.
«Šmat u nas prablem u VNU, i kankretnych prablem. Ale ja chaču, kab vy ŭličyli, što łomki i hłybokaha refarmavańnia sistemy adukacyi my bolš nie dapuścim. I voś hetyja ŭsploski, jakija nam časam padkidvajuć, naprykład, prablemy z movami ci jašče jakijaści — heta nie bolš čym bałbatnia. My ŭsie hetyja pytańni daŭno vyrašyli.
Nahadajem, što ŭ Biełarusi tolki 0,5% studentaŭ navučajecca
