Ekspartavać cukar buduć čatyry biełaruskija pradpryjemstvy

Eksparciorami biełaha cukru ŭ Biełarusi vyznačany čatyry pradpryjemstvy:

adkrytyja akcyjaniernyja tavarystvy «Haradziejski cukrovy kambinat», «Žabinkaŭski cukrovy zavod», «Słucki cukrarafinadny kambinat» i «Skidalski cukrovy kambinat».

Adpaviednuju pastanovu № 144 Saviet ministraŭ pryniaŭ 5 sakavika 2013 hoda.

Jak paviedamlaje pres-słužba ŭrada, hetaje rašeńnie dziejničaje z 1 sakavika da 31 žniŭnia 2013 hoda. Bieły cukar ekspartujecca pad kodam adzinaj Tavarnaj namienkłatury źniešnieekanamičnaj dziejnaści Mytnaha sajuza 1701 99 100.

Dakumient pryniaty ŭ adpaviednaści z Pahadnieńniem ab paradku ŭviadzieńnia i prymianieńnia mier, jakija zakranajuć źniešni handal tavarami, na adzinaj mytnaj terytoryi ŭ dačynieńni da trecich krain ad 9 červienia 2009 hoda. U suviazi z hetym Dziaržaŭnamu mytnamu kamitetu i Ministerstvu ŭnutranych spraŭ daručana pryniać miery dla niedapuščeńnia ekspartu biełaha cukru subjektami pradprymalnickaj dziejnaści, nie ŭkazanymi ŭ hetaj pastanovie.

Pavodle infarmacyi pres-słužby, ab pryniataj miery budzie prainfarmavana Jeŭrazijskaja ekanamičnaja kamisija. Na jaje razhlad taksama budzie vyniesiena prapanova ab prymianieńni anałahičnaj miery i inšymi dziaržavami — udzielnicami Mytnaha sajuza.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH