Adzin z najvyšejšych pradstaŭnikoŭ francuskaj katalickaj carkvy Žan Mary Luściže pamior u Paryžy na 81‑m hodzie žyćcia.
 |
Aaron Luścihier naradziŭsia 17 vieraśnia 1926 h. u siamji polskich habrejaŭ. Pierad Pieršaj suśvietnaj vajnoj siamja vyjechała z-pad Katavicaŭ u Francyju. Padčas II suśvietnaj baćki Aarona trapili ŭ kancentracyjny lahier i źhinuli ŭ Aśviencimie. Aarona vyratavała toje, što jaho ŭziała na vychavańnie katalickaja siamja. U junactvie jon i pryniaŭ katalictva.
Žan Mary Luściže vučyŭsia ŭ Sarbonie, ale ŭ 1950‑ch staŭ śviatarom i zrabiŭ sabie bliskučuju carkoŭnuju karjeru.
Luściže pastajanna krytykavaŭ lubyja prajavy rasizmu i, u pryvatnaści, svajho ciozku Žana Mary Lo Pena. U 1981 h. papa rymski Jan Pavał II pryznačyŭ jaho arcybiskupam Paryskim, a ŭ 1983 h. uvioŭ jaho ŭ san kardynała. U 2005 h. Luściže pajšoŭ na pensiju.
Žan Mary Luściže byŭ dobra viadomy i pavažany ŭ Francyi za svaju hramadzkuju dziejnaść. Jon šmat zrabiŭ dla naładžvańnia dobrych stasunkaŭ pamiž judaizmam i chryścijanstvam.
Šanavany jon byŭ i ŭ susiedniaj Polščy. Dva miesiacy tamu jaho hanaravali ŭznaharodaj imia Jana Novaka‑Jezioranskaha — za arhanizacyju ŭ 1980‑ch dapamohi dla «Salidarnaści».
