Siamja zahinułaha chłopčyka choča spahnać z kiroŭcy «Porše» jašče 400 młn rubloŭ 64

na fota: mama Ułada Hrudźjeva

Hramadzianskija pazovy byli padadzienyja ad usich traich paciarpiełych pa spravie ab najeździe na dzicia la staličnaj škoły: mamy, babuli i dziaduli zahinułaha Ułada Hrudźjeva.

«Mama zahinułaha chłopčyka patrabuje kampiensacyi maralnaj škody pamieram 200 młn rubloŭ, babula i dziadula dziciaci — pa 100 młn», — paviedamili dźvie nie zaležnyja adna ad druhoj krynicy.

Nahadajem, kiroŭca «Porše-Kajena» ŭ dasudovym paradku pieradaŭ siamji zahinułaha dziciaci 200 młn rubloŭ. Hetaja suma pavinna być pryniata da ŭvahi sudom.

Pradstaŭnik paciarpiełych pa spravie ab śmiarotnym najeździe na dzicia advakat Minskaj abłasnoj kalehii advakataŭ Ksienija Kobasa paćvierdziła, što jaje klijenty — troje paciarpiełych pa spravie — źviarnulisia ŭ sud z hramadzianskimi pazovami ab kampiensacyi maralnaj škody. Ab sumach pazovaŭ pradstaŭnik kazać admoviłasia, spasłaŭšysia na toje, što «nie ŭpaŭnavažana svaimi klijentami vydavać hetuju infarmacyju», paviedamlaje auto.tut.by.

Nahadajem, što 15 lutaha kiroŭca aŭtamabila «Porše-Kajen» Andrej Zababura, jaki 13 listapada minułaha hoda zadaviŭ treciakłaśnika SŠ № 23 Uładzisłava Hrudzieva kala škoły, rajonnym sudom byŭ prysudžany da čatyroch hadoŭ pazbaŭleńnia voli ŭ kałonii-pasialeńni.

38-hadovy dyrektar pryvatnaj firmy pryznany vinavatym na padstavie art. 317, č. 2 Kryminalnaha kodeksa (parušeńnie praviłaŭ darožnaha ruchu, što paciahnuła pa nieaściarožnaści śmierć čałavieka).