Nasielnictva Biełarusi stała kuplać bolš niecharčovych tavaraŭ zamiežnaj vytvorčaści, śviedčać danyja Nacyjanalnaha statystyčnaha kamiteta.
U studzieni—lutym 2013 hoda ŭ paraŭnańni sa studzieniem—lutym 2012-ha ŭdzielnaja vaha realizavanaha impartnaha vierchniaha adzieńnia pavialičyłasia z 35,6 da 40,8%, trykatažnych vyrabaŭ — z 17,9 da 27,6%, pančošna-škarpetkavych vyrabaŭ — z 9,6 da 16,9%, abutku — z 30,4 da 35,3%, budmateryjałaŭ — z 41,1 da 45%, parfumiernych i kaśmietyčnych tavaraŭ, tualetnych pryład — z 69,3 da 74,7%, sintetyčnych myjnych srodkaŭ — z 47,6 da 55,3%, chaładzilnikaŭ i marazilnikaŭ — z 20,7 da 26,3%, televizaraŭ — z 58,2 da 77,2%, pralnych mašyn — z 31,4 da 49,4%.
U siektary prodažu charčovych tavaraŭ dola impartu źmianiłasia pa-roznamu. Udzielnaja vaha miasa zamiežnaj vytvorčaści pamienšyłasia z 0,4 da 0,3%, krupy — z 50,9 da 48,3%, makaronnych vyrabaŭ — z 27,4 da 24,5%, sadaviny — z 86,3 da 85,9%, tytuniovych vyrabaŭ — z 4,7 da 4%. Dola impartnaha masła i cukru vyrasła z 0,1 da 0,2% (asobna pa kožnaj pazicyi), syroŭ — z 1,8 da 3,2%, aleju — z 70,6 da 72,5%, ryby, rakapadobnych i maluskaŭ — z 44,6 da 51,4%, biezałkaholnych napojaŭ — z 4,2 da 8,9%, kandytarskich vyrabaŭ — z 21 da 29%, fruktovych i aharodninnych sokaŭ — z 18,2 da 24,4%, aharodniny — z 13,4 da 17,3%.
U cełym dola prodažu tavaraŭ ajčynnaj vytvorčaści handlovymi arhanizacyjami ŭ roźničnym tavaraabarocie handlu ŭ studzieni—lutym 2013 hoda skłała 71%, u tym liku charčovych praduktaŭ, napojaŭ i tytuniovych vyrabaŭ — 82,4%, niecharčovych tavaraŭ — 55,3%.
