Z krasavika košt navučańnia ŭ BDU pavialičać na 6-7%

Z krasavika košt navučańnia ŭ BDU płanujecca pavialičyć na 6–7%. Pra heta paviedamiŭ rektar BDU, akademik Siarhiej Abłamiejka 19 sakavika na pres-kanfierencyi ŭ Minsku.

Pavodle jaho słoŭ, pavieličeńnie apłaty źviazana z pavyšeńniem taryfnaj staŭki pieršaha razradu z 1 studzienia, što paciahnuła rost zarpłat prafiesarska-vykładčyckaha składu BDU i kamunalnych płaciažoŭ.

«1 studzienia staŭka źmianiłasia, i my adpravili prapanovu ŭ Minadukacyi, kab pavialičyć płatu za navučańnie, ale dahetul takoha dazvołu ŭ nas niama, i my žyviom sa starymi cenami za navučańnie», — skazaŭ Abłamiejka. Pavodle jaho słoŭ, čakajecca, što rašeńnie ab pavieličeńni koštu navučańnia budzie pryniata z krasavika.

Pavodle słoŭ rektara BDU, siońnia studenty-płatniki pakryvajuć raschody na svajo navučańnie na 50–60%.

Takim čynam, nie tolki studenty biudžetnaj formy navučańnia, ale i płatnaj datujucca dziaržavaj, zajaviŭ Abłamiejka.

Što da płaty za navučańnie dla studentaŭ-pieršakurśnikaŭ z vosieni 2013 hoda, to jaje pamier jašče nie vyznačany. «My nie majem namieru pavialičvać płatu kardynalna», — zaznačyŭ rektar.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH