Muzyka2929

Jaje nazyvajuć nadziejaj biełaruskaj muzyki — «NN» u haściach u Paliny Respubliki

Śpiavačka Palina Pałaniejčyk — jana ž Palina Respublika — žyvie ŭ «stalincy» kala Niamihi. Razam z baćkami i dvuma bratami jany tulacca ŭ dvuchpakajovaj kvatery.

Kazać pra ŭłasny pakoj nie prychodzicca, bo ŭ kvatery zaŭsiody adbyvajecca pieramiaščeńnie ludziej ŭ prastory i kolkaść žycharoŭ na kvadratny mietr pavialičanaja.

Razam z Palinaj u pakoi «pražyvajuć» rybki, pijanina, roznyja skrynački, hitary, cacki bratoŭ, knihi, stoliki i miaški-fateli, karciny i fota. My zazirnuli ŭ maleńkuju «respubliku» Paliny, pahutaryli i pahladzieli, jak ža tam usio uładkavana: «Tam dzie ty žyvieš, zaŭsiody jość častka ciabie. My zaŭsiody źmianiajem miescami meblu ŭ pakoi. Ja nie mahu doŭhi čas žyć u adnoj atmaśfiery. Darečy, my narešcie pabudavali novuju kvateru. A voś heta kvatera nie naša i my nie majem mahčymaści tut niešta źmianiać.

U hetaj kvatery my navat hareli dva razy. Pad nami hareła kvatera, a uvieś dym padymaŭsia da nas.
Paśla, miesiacy 2, vielmi składana žyć i strašna. Novaja kvatera ŭ dvuch prypynkach adsiul. Tam u mianie budzie ŭłasny pakoj, dzie ja chaču zrabić sabie studyju».

Darečy, sustreli mianie na parozie akramia Paliny, jašče dźvie pary cikaŭnych vačej.

Fiedar i Raman — braty Paliny, imknulisia ŭsimi mahčymymi srodkami zahlanuć u pakoj, dzie my hutaryli. Biehali, chavalisia, prymianiali ŭsie špijonskija mietady.
Schavacca ad ich było niemahčyma: «Doma jość cudoŭnaja atmaśfiera, jakuju stvarajuć dzietki. Jany sustrakajuć ciabie, dakranajucca i adrazu navokał ciabie — plusiki».

U pakoi Paliny — vialikaja kolkaść roznych cikavostak, jakija ŭ svajoj sukupnaści stvarajuć niepaŭtorna ŭtulnuju i ciopłuju atmaśfieru.

My spyniajem uvahu na vialikaj karcinie, jakaja znajšła svajo miesca na pijanina. Bačna, što Palina joj hanarycca, aściarožna biare jaje ŭ ruki i pačynaje viarcieć. Karcina vialikaja, napisanaja alejem:

«Ja ŭziała jaje ŭ Akademii. U mianie jašče za šafaj šmat. Jany zaraz nikomu nie patrebnyja», — kaža jana.

— A heta što? — pytaje naš fatohraf i pakazvaje na kruhłyja, čornyja hadzińniki, jakija stajać na šafie.

— Mnie padaravali ich na dzień naradžeńnia, jany zrobleny sa zvyčajnaj kružełki da jakoj prymacavany strełki.

Pakoj u Paliny — sapraŭdny vialiki skład. Tut znajšli miesca roznyja štatyvy i aparatura, nie abyjšłosia i biez chlebapiečki.

«Viedajecie, u mianie jość adna vielmi cikavyja reč, — intryhujučy kaža Palina. — U mianie tut jość kavałak asfaltu. — i pakazvaje „kaštoŭnaść“, što lažyć na padvakońniku.

Kavałkam asfaltu akazałasia šeraja plitka, jakuju kładuć va ŭsich haradach i vioskach Biełarusi. Siabry niejak pryciahnuli, ale spačatku heta byŭ nibyta telefon, navat knopački byli, ale paśla advalilisia».

«Zaraz ja vam jašče niešta cikavaje pakažu, — Palina idzie da palicy i dastaje kubak ź miedalami. — Ja hulała ŭ žanočy futboł. Navat miedali jość. U toj čas, kali ja im zajmałasia, hety vid sportu dobra finansavaŭsia i my šmat kudy jeździli».

Nie abminuli my i žanočych radaściaŭ. Jak lubaja maładaja žančyna, Palina maje svaje słabaści. Na palicy, pobač z uznaharodami pa žanočym futbole staić nie maleńkaja kalekcyja žanočych duchoŭ.

— Heta adna z takich žanočych štučak, jakija ja vielmi lublu. Ja mahu zakachacca ŭ pach.
Byŭ momant, kali mnie spadabaŭsia adzin vodar, dyk ja prymusiła ŭsich mužčyn, jakija byli vakoł mianie i na jakich ja mahła ŭpłyvać, karystacca hetym pacham. Pach — heta toje, što vielmi dobra zachoŭvaje atmaśfieru.

Akramia duchoŭ, haspadynia pakoja maje słabaść da muzyčnych instrumientaŭ. Hitara ŭ jaje daloka nie adna, dy j ich šmat nie byvaje. Apošni trafiej Palina kanfiskavała ŭ svajho chłopca.

Palina Respublika: Vy ličycie, što ja prosta tak sa svaim chłopcam sustrakajusia? Daloka nie. Prosta nie chaču hitaru jamu viartać, — z žartam kaža śpiavačka.

«Naša Niva»: A pieśni ty adrazu na hitaru kładzieš?

Palina Respublika: Nie, pišu pieśni spačatku na pijanina, a paśla pierakładaju na hitaru.

«NN»: Palina, ty maješ bieźlič kancertaŭ, vystupaŭ, prajektaŭ. Stamlaješsia?

PR: Jość takaja tema, što naprykancy hoda ničoha nie chočacca: ni kancertaŭ, ni ludziej. Mahu padčas navučańnia dać sabie dzień adpačynku i nikudy nie pajści, a prosta spać. Byli dumki, što ŭsio, skončyłasia maja muzyčnaja karjera, nadakučyła ŭsio.

«NN»: Ty vučyšsia na dzionnym u Akademii mastactvaŭ, jak paśpiavaješ spałučać tvorčaść i vučobu?

PR: Byvaje tak, što zaniatki pačynajucca, a 9-j ranicy, a 16-j jany skančajucca, laču dadomu, pryčesvaju vałasy, i na kancert. Dobra, što tvorčaść muzyčnaja i tvorčaść u Akademii niejak spałučajucca. Niahledziačy na šmatlikija vystupy u čas siesii, ja zdała jaje vielmi dobra i budu imknucca atrymać źnižku na apłatu vučoby, bo płacić ciažka.

«NN»: Kali b u sutkach było hadzin 36, kudy b patraciła svoj volny čas?

PR:

Mnie chočacca, kab chapiła času zapisać dysk, źniać klip, nie zakinuć kursy pa francuzskaj movie, uziać abaniemient u basiejn. Ja b chacieła, kab u mianie było bolš času katacca na rovary.
Chočacca stać va ŭsim prafiesijanałam, bo šmat čaho rablu, ale nie rablu ničoha prafiesijna. U mianie ciapier taki varjacki režym, što ja kładusia spać, a 4-j nočy. Časam nočču ja čytaju i vyvučaju francuzskuju movu. Budzilnik moža zvanić niekalki razoŭ, ale pakul matula nie pryjdzie i nie pabudzić — nie pračnusia.

«NN»: Uźnikała žadańnie pažyć adnoj?

PR: Apošnim časam — nie. Strašna ŭjavić. Ja pradčuvaju, što ŭsia maja maraziłka budzie ŭ sparžavaj fasoli. Ništo ŭ žyćci ja tak mocna nie lublu.

«NN»: A muža čym budzieš karmić?

PR: U mianie jość mara pra «Ciociu Valu» — ujaŭny moj piersanaž, — jakaja budzie prychodzić i hatavać mnie boršč. Nu ja mahu heta rabić, ale stolki spraŭ inšych. Ja hatuju, kali ŭ mianie jość natchnieńnie.

«NN»: Čamu vyvučaješ francuzskuju?

PR: Heta maja mova, jana mnie blizkaja i pakul nie nadakučyła.

«NN»: Chacieła b naviedać Francyju?

PR: Tak, viadoma. Ale heta časta ŭpirajecca ŭ hrošy. Dumała pajechać tudy na hetych kanikułach, ale vyrašyła, što pajedu, jak padvuču movu lepš.

«Moj chłopiec vielmi dobra siabruje z maim baćkam»

«NN»: Zakranajučy temu kachańnia. U ciabie jość chłopiec?

PR: Tak. My paznajomilisia kala hoda tamu. Žyvie jon za piać chvilin ad mianie, ale paznajomilisia ŭ Maładziečnie. Pryčym jechać tudy ja nie źbirałasia, mianie vyciahnuła siabroŭka. Paznajomilisia vypadkova. Jak akazałasia, u nas ź im vielmi šmat supolnych znajomych.

«NN»: Zamuž nie źbiraješsia?

PR: Pakul nie. Jak tolki my paznajomilisia, ja skazała, što ŭ mai treba žanicca. Ja lublu sama ŭsio prapanoŭvać. Nu paśla ŭsio zamiałasia, bo skazana było ŭ žart.

«NN»: U ciabie stolki prychilnikaŭ i fanataŭ, jak ža da hetaha ŭsiaho stavicca tvoj chłopiec?

PR: Kali ja niešta kažu na hety kont, to jon pačynaje rykać (śmiajecca).

«NN»: Nie ŭźnikała dumak źjechać ź Biełarusi i pašukać lepšaj doli za jaje miežami?

PR: Nie, navošta? Pakul nie maju pryčyn. Tut maje svajaki, tut majo ŭsio. A tam mianie nichto nie čakaje. Ale chočacca jeździć za miažu, kab pryvieźci adtul niešta lepšaje siudy. Ja atajasamlaju Biełaruś z čałaviekam. My nie možam skazać, za što my lubim taho ci inšaha čałavieka, toje ž samaje i tut. Kachańnie i luboŭ nielha vykazać słovami. Ja jaje prosta adčuvaju, i jana natchniaje mianie.

«NN»: A kali pafantaziravać i nadać Biełarusi vobraz čałavieka, jakoj by jana była?

PR: Heta ŭsio adno, što nadavać rysy Bohu. Pasprabuju. Dla mianie Biełaruś — žančyna. Jana mocnaja, choć i ścipłaja. Za ŭsie jaje pakuty musić być u jaje žyćci ščaście. Jana takaja pryhažunia.

«Nie pajdu na biełaruskaje telebačańnie»

«NN»: Palina, kali b ciabie zaprasili na biełaruskaje telebačańnie śpiavać, pajšła b?

PR: Kali zaprosiać na biełaruskaje telebačańnie, ja nie pajdu tudy, bo mnie niecikava. Mianie adnojčy zaprasili na telepieradaču «ARTiŠOK». Ja im telefanuju i kažu, što budu razmaŭlać na biełaruskaj movie.

Mnie ŭ adkaz ahresiŭna: «Jak? Vy nie možacie havaryć na rasiejskaj movie?» — «Nie mahu!» — kažu. Dyk hetaja žurnalistka kinuła słuchaŭku.
Paśla pieratelefanavała i pahadziłasia.

«NN»: Palina, tabie chto-niebudź dapamahaje prasoŭvacca ŭ tvorčaści? Jość «dach»?

PR: Nie, usio sama. Z hetym vielmi ciažka. Kali zaprašajuć na kamiercyjnyja vystupy, dziela rekłamy, ty razumieješ, što paprasić hrošaj treba, ale pieršy raz paprasić było vielmi strašna. Vielmi nie lublu štości prasić.

«NN»: Nikoli nie ŭźnikała prablem z arhanizacyjaj kancertaŭ?

PR:

Nam adnojčy zabaranili kancert, i ja adčuła siabie apazicyjnym vykanaŭcam. Było heta ŭletku ŭ Viciebsku. A zabaranili tamu, što pahladzieli rolik na «Biełsacie».
Tvorčaść u mianie zusim nie apazicyjnaja, ale tut užo hladziać, i z kim ty siabruješ, i što ty robiš.

Vokny pakoja śpiavački vychodziać na «tył» Doma ŭrada, i kožny viečar Palina maje mahčymaść suzirać padśviečany ściah Biełarusi. Jak kaža jana sama z žartam: «Hladžu i natchniajusia. Ja voś saču za imi, ale tak i nie razumieju, što jany tam robiać».

* * *

Palina Pałaniejčyk (Palina Respublika) naradziłasia ŭ 1994 u Minsku. Śpiavačka, studentka Biełaruskaj dziaržaŭnaj akademii mastactvaŭ pa śpiecyjalnaści «Režysura telebačańnia», pačała svoj muzyčny šlach ź pieramohi ŭ «Bardaŭskaj vosieni» 2011.

Kamientary29

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam

Usie naviny →
Usie naviny

«Voś ubačycie. Praź niekalki tydniaŭ ci dzion». Namioki Łukašenki pra niejkija kroki vyrazali z tekstavaj viersii jaho pramovy14

«Ni ŭ jakim razie ja nie rabiŭ zajavy». Kiełah źniapraŭdziŭ słovy Łukašenki11

Kupiŭ budynak pad restaran za 262 tysiačy rubloŭ. Ciapier učastak chočuć zabrać, kab pabudavać tam… restaran5

«Tym, chto nastalhuje pa saŭku, spadabajecca». Błohier pieranačavaŭ u najhoršych hatelach Biełarusi i padzialiŭsia ŭražańniami11

Prakopjeŭ: Źniźcie ŭzrovień čakańniaŭ. Ja nie baču nivodnaj abjektyŭnaj pryčyny, kab nastupała adliha14

Rasijanina zatrymali z 37 kiłahramami narkotykaŭ u Minsku2

Kudy biełarusy mohuć latać bieź vizy i bieź pierasadak?3

«Chtości ŭ kiraŭnictvie siłavikoŭ vyrašyŭ vyvieści Bialucina sa «spravy Aŭtuchoviča» i vykarystać inačaj»3

Zialenski padtrymaŭ Azierbajdžan u kanflikcie z Rasijaj2

bolš čytanych navin
bolš łajkanych navin

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam

Hałoŭnaje
Usie naviny →

Zaŭvaha:

 

 

 

 

Zakryć Paviedamić