U siejmie Litvy źbirajuć podpisy za stvareńnie rabočaj hrupy «Za demakratyčnuju Biełaruś»
Jak paviedamiŭ adzin ź inicyjataraŭ stvareńnia hrupy deputat Ehidyjus Varejkis, za dźvie hadziny sabrana bolš jak dziesiać podpisaŭ, a dla stvareńnia hrupy dastatkova
«Isnavańnie takoj hrupy — heta ŭžo šmathadovaja tradycyja ŭ našym siejmie, — skazaŭ jon.— Ale pakolki ŭ novym parłamiencie (vybrany vosieńniu minułaha hoda) jaje pakul jašče niama, my vyrašyli, što treba stvaryć. Heta budzie hrupa dla parazumieńnia z hramadstvam Biełarusi, z palitykami, jakija, na žal, nie ŭdzielničajuć u aficyjnym palityčnym žyćci».
Pry hetym Varejkis padkreśliŭ, što litoŭskija parłamientaryi zacikaŭleny ŭ kantaktach nie tolki z apazicyjnymi biełaruskimi palitykami, ale i z aficyjnym Minskam.
«U nas takaja inicyjatyva zaŭsiody była. My chočam kantaktavać z usimi, — skazaŭ jon. — Ale ŭsim viadoma, što ŭ Biełarusi ŭ palityčnym žyćci nie ŭsio ŭ paradku. Kali b było ŭsio dobra, jeŭrapiejskich prablem dla Biełarusi nie było b. Sam ja pradstaŭlaju Litvu ŭ Saviecie Jeŭropy i viedaju, čamu Biełarusi tam niama. A treba, kab była, ale heta zaležyć i ad Minska. Ja b chacieŭ, kab Biełaruś stała narmalnaj krainaj Jeŭropy, i nie treba było b uvieś čas rabić niejkija vyklučeńni, vyłučać Biełaruś sa śpisa inšych krain».
Varejkis adznačyŭ, što zaŭsiody ŭdzielničaŭ va ŭsich inicyjatyvach, jakija tyčylisia Biełarusi.«Ale nie zaŭsiody mianie dobra razumieli ŭ Minsku. U mianie niama, tak by mović, volnaha ŭjezdu ŭ Biełaruś, ja — piersona non hrata, chacia i nie razumieju čamu. Nijakich złych namieraŭ nakont Biełarusi ŭ mianie niama», — skazaŭ litoŭski deputat.
«Ja nie lublu, kali havorać, što Biełaruś — apošniaja dyktatura Jeŭropy. Ja chaču, kab Biełaruś była narmalnaj krainaj. Heta zaležyć ad usich nas. Ja nie maju ničoha suprać demakratyčnaha vybaru, ale jon pavinien być mienavita demakratyčnym i sumlennym», — dadaŭ parłamientaryj.
Što da terminaŭ stvareńnia rabočaj hrupy «Za demakratyčnuju Biełaruś», to, jak adznačyŭ Varejkis, zhodna ź isnaj praceduraj na zbor podpisaŭ advodzicca pryblizna dva tydni, kab padtrymać inicyjatyvu zmahli ŭsie achvotnyja. «Na nastupnym tydni pasiadžeńnia parłamienta nie budzie, dumaju, dzieści paśla 7 krasavika my źbiaromsia», — skazaŭ jon. I ŭdakładniŭ, što ŭ składzie hrupy buduć pracavać prykładna 15 deputataŭ.
U Łahojsku piekar admaŭlajecca pradavać svoj chleb pakupnikam, u jakich jość sabaki82
Kamientary