Pieršy śpiektakl u adbudavanym teatry projdzie ŭžo 29 sakavika. Adnak nabyć kvitki na jaho było niemahčyma — pakaz budzie zakrytym.
Z pramovaj pierad śpiektaklem vystupić kiraŭnik krainy Alaksandr Łukašenka.
U śpisie zaprošanych na
Akramia palityčnych dziejačaŭ zaprošanaje kiraŭnictva budaŭničych arhanizacyj, jakija rekanstrujavali teatr, kiraŭniki troch dziaržaŭnych telekanałaŭ i redaktar haziety «Biełaruś Siehodnia», viadučyja aktory i režysiory bujniejšych teatraŭ, dziejačy mastactva.Siarod ich Barys Łucenka, Hanna Małankina, Bełła Masumian, Alaksandr Harcujeŭ, Michaił Finbierh, Uładzimir Karyzna, Ryčard Smolski, Śviatłana Stacenka, Uładzimir Prakapcoŭ i inšyja.
Rekanstrukcyja budynka teatra imia Janki Kupały praciahvałasia bolš za dva hady. Zhodna z zadumaj aŭtaraŭ prajekta, budynak nabliziŭsia da svajho pieršapačatkovaha vyhladu.
Zvyčajnyja minčuki zmohuć naviedać teatr užo 4 krasavika.U hety dzień tam iznoŭ pakažuć «Paŭlinku». Košty na kvitki — ad 20 da 200 tysiač rubloŭ.
Što da Łukašenki, to apošni raz jon byŭ u teatry 10 hadoŭ tamu. U Kupałaŭskim naviedvaŭ «Kniazia Vitaŭta».
Cikava, što ŭ tyja časy rolu kniazia Vitaŭta vykonvaŭ Hienadź Davydźka.