Ad 2 krasavika zapracavała biełaruskaja viersija sajtu Biełaruskaj čyhunki. "Biełaruskamoŭnyja karystalniki zmohuć atrymać dostup da raznastajnaj infarmacyi ab dziejnaści Biełaruskaj čyhunki, pieravozkach pasažyraŭ i hruzaŭ, turyźmie i adpačynku, a taksama da šerahu infarmacyjna-daviedačnych servisaŭ", -- paviedamlaje pres-centr BČ.
Viersija pakul nie poŭnaja: ź siervisaŭ, jakija vyklikajuć najbolšuju cikavaść u naviednikaŭ, pa-biełarusku dastupny tolki raskład ruchu ciahnikoŭ rehijanalnych linij ekanom-kłasa i haradskich linij.
Kali ž sprabuješ daviedacca raskład ruchu ciahnikoŭ mižnarodnych linij, mižrehijanalnych linij i rehijanalnych linij biznes-kłasu, a taksama nabyć bilet praź internet, biełaruskaja viersija vykidaje papiaredžańnie ab tym, što servisy funkcyjanujuć na rasiejskaj movie.
Ale jość spadzieŭ, što z časam biełaruskaja viersija zapracuje ŭ poŭnym abjomie. Jaje stvaralniki nazyvajuć zroblenaje "pieršym krokam na šlachu stvareńnia šmatmoŭnych servisaŭ dla klijentaŭ Biełaruskaj čyhunki".
* * *
Kali Biełaruskaja čyhunka abnaviła dyzajn sajtu, mnohich naviednikaŭ aburyła toje, što jon byŭ aformleny vyklučna pa-rasiejsku. Šmatlikija zvaroty čytačoŭ praz formu zvarotnaj suviazi zrabili svaju spravu: pastupova sajt BČ biełarusizujecca.
