Minčuki abjadnoŭvajucca suprać uščylnieńnia žyłoj zabudovy stalicy 3

Dla efiektyŭnaj baraćby z uščylnieńniem žyłoj zabudovy, abarony zialonych nasadžeńniaŭ i ekałahičnaha stanovišča Minska hrupy staličnych žycharoŭ vyrašyli abjadnacca. Pra heta abviaścili na pres-kanfierencyi 4 krasavika lidary miascovych inicyjatyŭ Minska ź mikrarajonaŭ Uručča-2, Uschod-2, vulic Cnianskaj i Jakuba Kołasa, Haja i Viery Charužaj, Pulichava i Pieršamajskaj.

U padpisanym miemarandumie ab supracoŭnictvie i ŭzajemadapamozie havorycca: «My pradstaŭlajem miascovyja inicyjatyvy horada Minska, jakija zajmajucca vyrašeńniem sacyjalnych prablem šyrokaha śpiektra, a mienavita baraćboj ź niezakonnym uščylnieńniem žyłoj zabudovy, abaronaj zialonych nasadžeńniaŭ i ekałohii horada, zachavańniem i raźvićciom zon rekreacyi, stvareńniem sučasnaj zručnaj dla žycharoŭ horada infrastruktury, sadziejničańniem stvareńniu kamfortnaha biaśpiečnaha asiarodździa pražyvańnia i pracy ludziej i inšymi pytańniami, jakija majuć sacyjalnaje značeńnie».

Jak adznačyŭ hramadski aktyvist Dzianis Kobrusieŭ, miemarandum nie abviaščaje stvareńnie jakoj-niebudź arhanizacyi, jakaja patrabuje dziaržaŭnaj rehistracyi, tamu što znosiny hramadskich inicyjatyŭ z orhanami miascovaj ułady «zamacavany kanstytucyjna». «Zadača hetaha miemaranduma ŭ abjadnańni ludziej dla ŭzajemadapamohi, abmienu vopytam u znosinach z čynoŭnikami i pavieličeńni ŭpłyvu miascovych žycharoŭ», — rastłumačyŭ jon.

Pry nieabchodnaści, dadaŭ Kobrusieŭ, kaapieracyja miascovych inicyjatyŭ hatova raspačać praceduru jurydyčnaj rehistracyi hramadskaj arhanizacyi ŭ adpaviednaści z zakanadaŭstvam. «Ale siońnia takoje pytańnie nie staić», — skazaŭ jon.

Leanid Mažalski, pradstaŭnik hrupy minčukoŭ, jakija žyvuć u mikrarajonie Uručča-2, paviedamiŭ pra pieršyja kroki, što rychtujuć zrabić žychary.

Pavodle jaho słoŭ, aktyvisty prapanujuć haradskim uładam stvaryć hramadska-kansultacyjny saviet pry kamitecie architektury i horadabudaŭnictva Minharvykankama z uklučeńniem u skład pradstaŭnikoŭ miascovych inicyjatyŭ.

Hrupy minčukoŭ taksama majuć namier źviarnucca da Biełaruskaha sajuza architektaraŭ z metaj daviedacca pra skład i pryncypy pracy hetak zvanych «traciejskich sudździaŭ» — členaŭ sajuza, čyja ekśpiertnaja acenka ŭpłyvaje na rašeńnie ab budaŭnictvie tych ci inšych, časta sprečnych, abjektaŭ u stalicy. Taki ekśpiertny orhan, pavodle mierkavańnia abjadnańnia haradskich žycharoŭ, nie pavinien być nie tolki ananimnym, ale i ŭchvalenym jak samimi ŭładami, tak i minčukami.

Płanujecca pryciahnuć uvahu deputataŭ Minharsavieta i pałaty pradstaŭnikoŭ nacyjanalnaha schodu da prablemy ŭščylnieńnia žyłoj zabudovy i zaklikać ich da aktyŭnaha ŭdziełu «ŭ abaronie pravoŭ i zakonnych intaresaŭ vybarščykaŭ svaich akruh».

Akramia taho, aktyvisty majuć namier źviarnucca ŭ Administracyju prezidenta, bo, jak zajaviŭ Mažalski, palityka haradskich uład na «tatalnaje ŭščylnieńnie» supiarečyć zajavam kiraŭnika dziaržavy ab tym, što ŭščylnieńnie Minska pavinna być vyklučna kropkavym.

Pra ŭsie svaje zachady abjadnańnie miascovych inicyjatyŭ Minska budzie infarmavać hramadskaść praź ŚMI.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH