Pra heta išła razmova 8 krasavika ŭ čas dakłada Łukašenku staršyni praŭleńnia AAT «Bank raźvićcia Respubliki Biełaruś» Siarhieja Rumasa.
Łukašenka daručyŭ Banku raźvićcia vykanać prajekt «Školny aŭtobus», jaki praduhledžvaje ciaham piaci hadoŭ poŭnaje rašeńnie prablemy z zabieśpiačeńniem sielskich nasielenych punktaŭ transpartam dla padvozu dziaciej u škołu i nazad.
Užo sioleta bank prafinansuje kuplu 60 aŭtobusaŭ — pa 10 dla kožnaj vobłaści.Pa słovach Rumasa, Bank raźvićcia padydzie da hetaha pytańnia kompleksna, arhanizavaŭšy taksama kursy kiroŭcaŭ aŭtobusaŭ. Łukašenka padtrymaŭ prapanovu, kab kiroŭcami ŭ hetym prajekcie byli vyklučna žančyny, bo prablema žanočaj zaniataści ŭ vioscy stajać asabliva vostra, i, akramia taho, žančyny jak kiroŭcy bolš aściarožnyja za mužčyn, što vielmi važna pry pieravozcy dziaciej.
Płanujecca, što ŭžo da kanca hoda žoŭtyja aŭtobusy vytvorčaści Minskaha aŭtamabilnaha zavoda buduć dastaŭlać viaskovych dziaciej ź nievialikich nasielenych punktaŭ u bujnyja ahraharadki, dzie jość škoły.
0
0
0
0
0
0
