Žanu-Polu Bielmando — 80 hadoŭ a jaki Vaš lubimy film?

Francuzski akcior Žan-Pol Bielmando adznačaje siońnia 80-hodździe. Niahledziačy na ​​toje, što z 2001 hoda artyst redka zdymajecca ŭ kino i vystupaje ŭ teatry, jon pa-raniejšamu zastajecca adnym z samych lubimych i papularnych akcioraŭ ŭ Francyi.

Tvorčy debiut Bielmando adbyŭsia ŭ Paryžy ŭ 1950 h., kali jon syhraŭ rolu prynca ŭ śpiektakli «Śpiačaja pryhažunia».

Ale viadomaść da Žan-Pola pryjšła praź dziesiać hadoŭ, paśla filma «Na apošnim dychańni», jaki ŭvajšoŭ u historyju suśvietnaha kiniematohrafa. U 1970-ja hady, u zienicie słavy, Bielmando zdymaŭsia ŭ bajevikach i kamiedyjach. Praktyčna ŭsie truki ŭ filmach jon vykonvaŭ sam («Cudoŭny», «Pačvara», «As z asaŭ», «Prafiesijanał»).

Vobraz junaha buntara z uśmieškaj, stvorany akcioram, staŭ pradmietam pierajmańnia jeŭrapiejskaj moładzi tych hadoŭ.

Bielmando pracavaŭ na adnoj placoŭcy z takimi suśvietna viadomymi režysiorami jak Žan-Luk Hadar, Kłod Leluš, Marsel Karne, Žan-Pjer Mielvil.

U paryžskim teatry «Maryńji» jon z pośpiecham syhraŭ hałoŭnuju rolu ŭ pjesie Alaksandra Dziuma «Kin» u pastanoŭcy francuzskaha režysiora Rabera Asejna, a zatym — u śpiektakli «Sirano de Bieržerak». A ŭ 1991 hodzie Žan-Pol Bielmando nabyŭ ułasny teatr «Varjete».

Akcior byŭ udastojeny vysokich uznaharodaŭ Francyi — ordena Hanarovaha lehijona i ordena «Za zasłuhi ŭ halinie mastactva i litaratury».

Vialikuju słavu i luboŭ hledačoŭ u SSSR prynios Bielmando film «Prafiesijanał».

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH